Thakgalo idamaanisha kupoilwa.

Thakgalo ni mundu utumiagha kifumbi cha matairi.

Wandu wa kwawo na waghenyi wake wemkunda shuu.

Thakgalo udapoilwa ni chumbo.

Waghenyi wake wadapoilwa ni kuvina na kumchezera chumbo.

Waghenyi wake widemuwikia speaker kwa kifumbi chake cha matairi.

Ukafwadagha tu kwa upande ghwa kifumbi chake, chumbo ridazoya kukaba.

Thakgalo odeka udimaa kuvina uko aighu ya kifumbi chake cha matairi.

Odejifundisha kuvina moni na ukawona zoya kuvina na waghenyi wake.

Ituku jimu waghenyi wake wikawona mashindano ghe vina ghatangazwa kwa igazeti.

Wikamkotia mae Thakgalo ngera wadima kungia agho mashindano kwa ajili yake,

Mae Thakgalo ukarumiria.

Waghenyi wa Thakgalo wikalomba simu ya mkonu ya mae Thakgalo eri wipoise vidio ya agho mashindano ghevina.

Wekawusa vidio ya Thakgalo ukivina uluja lumbo lumpoiaa nandighi, alafu wikaduma iyo vidio sa kiingilio cha mashindano. Thakgalo ukasaghulwa kwa agho mashindano!

Ituku ja mashindano jikavika.

Thakgalo ukarwa kanju ighokie loliloli.

Eri chumbo rikabwagha, omoni odeka ukivina uko na kupoilwa kubaa.

Awa wandu weche wona mashindano agho wikazoya kumuwanga kwa irina, "Thakgalo! Thakgalo!"

Kughora wuloli, ni omoni oko nyerinyeri yevina ijo ituku.

Thakgalo ukashinda agho mashindano na zawadi pacha.