Lumbazi yedeka ikaie ando kwa mana nandighi ela kila kilambo ndecheko nicha kwa mazingira ghake.

Makaratasi ghedeka ghikilusha barabara na kodeka kukinuka kisaya shuu.

Chupa ribarikie redeka kila andu.

Wana wedeka wikishoghonoka ni chupa ribarikie.

Na mbeo ikakaia makatasi ghidapuruswa na kujoswa midinyi na mabambenyi.

Agha ghedebonya wandu wengi wileghe kucha Lumbazi.

Ituku jimu, Chike mwana wa miaka ikenda ukatumbulia waghenyi wake iwazo.

"Indokonyi dielishe mazingira ghedu. Dadima difwagie, dishoo iro chupa ribarikie alafu dipoise mapipa ghekumba matakataka mizinyi mizedu na barabara."

"Agha ghidaditesia kukaia andu kuelie. Wandu wa vijiji vizima widavutilwa alafu widacha mzedu," Chike ukaendelia kughora.

Ukiendelia kudeda, Obi ukaghora, "Ini nishoagha nicha chupa ribarike. Nidariwika andu risedimaa kudishoghonoa."

Felix ukaghora, "Ini niredaa ndoo kufuma kedu eri diitumie sa ipipa ja majala."

Wedebonya kazi wose kila ituku.

Kufuma ijo ituku, Lumbazi ikacha wuya andu kwa mana kwa kila mundu kukaia.