Sekwabe kwabakhona, esigodlweni sakoBulawayo, kwakulenkazanyana eyathi ukuthwetshulwa yingwe!

Abazali basijabulela kakhulu isibusiso lesi.

Kusazi bani, ukuthi igabazi lizelwe.

Uthe efika iminyaka emine yokuzalwa, ubeyintethe usisi. Wamangalisa ababalisi bakhe bonke, ngenyawo ezazeqa okwenkonyane.

Engakayi esikolweni, lalapho esevele esikolo, wayethanda ukugida. Akula okwakumjabulisa uPhilile ukwedlula ukugida iBhaleyi.

Safika isikhathi sokuthi akhule uPhilile abeyintombi, eseliminyaka elitshumi lanhlanu, wandiza wayofika eLondon, eselungele ukuphila iphupho lakhe.

Wavalelisa izihlobo labangane. Ngoba wayeselungele ukuqala phansi. Bhek'ubone Royal Ballet School! UPhilile uze ngomsebenzi, njalo uzolibonisa izimanga.

uPhilile wathanda ukugida iBhaleyi, umhlobo okuthiwa yiSwan Lake. Ngemva kweminyaka esima ngezithende, wayeselungele ukugida phambi kwexuku labantu.

Wenza izimanga phambi kwababukeli uPhilile. Khangelani!Wonke umuntu uyabobotheka! Bhekani ukuthi baqakeza njani izandla zabo, batshaya lamakhwelo!

Kusukela eMexico kusiya eCanada. Kusiya eUSA kusiya eFrance. UPhilile wavakatshela amazwe aseduze laphetsheya kolwandle.

Leso sikhathi wayeselabangane ababegida bonke iBhaleyi, njalo kazange afune ukuthi kuphele.

UPhilile wayesazi ngaphakathi ukuthi uligabazi. Kodwa wakukhanuka kakhulu ekhaya, wacabanga ukuqala katsha.

Walithatha inyathela waphenduka, elizweni lakwabo elihle okwamagama. Waqala phansi njalo ukugida iBhaleyi esekwele Zimbabwe.

Ukugida akusikho kokuzilibazisa kuphela, uPhilile wayekwazi lokhu. Ngakho, wayetshona imini lebususku ezelula ezifundisa, emva kwalokho, wakhula wabangcitshi kwezeBhaleyi.

Wayezama, ebobotheka ekuhleni, lasekwehlulekeni, uPhilile wasebenzisa amandla akhe wonke ukuthi abe yingcitshi ekugideni iBhaleyi.

Abahlonitshwa, oRomeo and Juliet, Swan Lake loGiselle, ngabanye abantu abagidelwa nguPhilile laba, ngokuzithoba lomusa.

Labanye bakhe oGary Burne and Eduard Greyling, ubuhle bakhe bakhuthaza ababukeli. Kwagcwala amaluba emoyeni, ayephoselwa ngabantu abathokozela uPhilile.

Umklomelo uza kalula nje, uma ungaqinisela wenze okuhle. uPhilile wakunanzelela lokhu, lapho ephiwa umklomelo wokuba "Yingcitshi kwezeBhaleyi".

Wahlonitshwa kwathiwa eseqeqetshe waba yi'Prima Ballerina Assoluta.' Igabazi elikhulu kulabo bonke! Uyohlala esaziwa uPhilile. Akukho okunye ayesakufisa okudlula lokhu!.

Suka Madoda!UPhilile wathola umyeni wakhe owayelothando olukhulukazi. Igama lakhe kwakuthiwa nguMandlenkosi Badala. Laye wayeyingcitshi kwezomgido.

Batshada omhlophe nke! Bobabili baqhubeka ngokugida. Zazindala zombili.

AbakoBadala, baqala isikolo samagabazi. Lokhu bakwenza bejonge ukuncedisa abantwana abampofu, kodwa belesifiso sokugida.

Watshiya imbali enhle yomdanso, njalo lokuphumelela okukhulu kuzifiso zakhe. Amandla akhe wawatshiyela abanye ukuthi labo benelise ukuba zingcitshi.

Abafundi bakhe bagcwala amagumi onke omhlaba, bekhuthazwa zinyawo zakhe sezisemazulwini. Ziqhubeka njalo, zisina, lathi sibhekile, siphupha ezihlalweni zethu.