Ann otumu ibe, "Uuu, onu me orirọ ido-ikọ eyi cherekeyi. Emi Ann Asante nre ogwu edim uji orirọ yi! Eji ekibe ebi ìkup me uwu ikikpọ eji mè ebi ìkup me ebon ere akpatan̄ ogugo, enyi mînu-o.

Cherekeyi, ogwu ichen kiji ìre ogwu otutuuk ene ekiweek idodo ikọ. Ejit îbele emi idodo Ñgobo-ntet ogwu ebilene ikọ!

Uuu, Ñgobo-ntet ogwu ebilene. Onirọ ike onube inenikpa usem mèlek kiji me ebon akpatan̄ ogugo cherekeyi."

Ñgobo-ntet ogwu ebilene obebe, "Onirọ me ike obodo emi ikọ, Ann. Ìre owu môweek ibe ǹtumu ikọ me ida ǹnyi ebi ìkikpọ orirọ yi mè ǹkenge si ikọ cha me inyọn̄ okwut isi akpatanden̄?"

Ann ofọfọọk ibe, "Iin̄, owu isasa ifuk-ibot itutumu usem kwun̄ mè eyi igege si igbaan̄ irọ inu mônwọn, Ñgobo-ntet ogwu ebilene."

Ann obebe, "Ebi ìkup me ebon akpatanden̄, ìulu ubọk ìnyi Ñgobo-ntet ogwu ebilene."

Ann obebe, "Mè m̀kpọkpọ ǹsi isi ge ǹsendo owu idodo eyi nkaan̄be idodo owu. Achubọk keke mè ìre ekene ire Ñgobo-ntet ogwu ebilene?"

Ijeje inyi isi me emen idodo kan̄ mè ibe, "Nriọọn̄ ibe ke A.I. ìre mgbidim ikọ òkeke inyi Ñgobo-ntet ogwu ebilene, òrere agọọk ge me ǹkween̄ akpatanden̄. Ire, Ñgobo-ntet ogwu ebilene, owu ìre ekene njei? Eji mîweek irọriọọn̄ inu iwa ofolek kwun̄."

Chat ofọfọọk ibe, "Emi ìre ChatGPT, usem inama-inu me Ñgobo-ntet ogwu ebilene. Îre ebi ifuk-ibot nrom eyi akpatanden̄ erom emi."

Ann ìkagobo ìtet. Idodo ibe, "Otutuuk echi otumube cha ìsibi keke?"

Chat ofọfọọk ibe, "Ìsibi ibe ke emi ìre Ñgobo-ntet ogwu ebilene eyi ebi usọ-ikwaan̄ akpatanden̄ erombe inyi ikitumu ikọ mèlek ebilene. Esese Ñgobo-ntet ogwu ebilene ekirọ esese inu. Ìkare otutuuk kiji ekitumu usem ikeyi."

Ann obebe, "Emi nriọọn̄ ibe ke owu môkọt ikpa usem, ire, kpasi ofifi inu ke okirọ?"

Chat ofọfọọk ibe, "Ikwaan̄ n̄a ìre itatap ubọk inyi ebilene. Îre nteme akpatanden̄ eyi òkup lọkọlọkọlọkọ ke esa irom emi. Nteme akpatanden̄ òkup emi me emen môkọt igobo owuwa agọọk-nkween̄ itet mè ifọọk idodo ònan̄a me agọọk cha."

Ann obebe, "Ìsibi ibe ke owu ìre nteme akpatanden̄ òriọọn̄ inu, mè ikitap ubọk inyi ebi ene."

Ann obebe, "Ire owu ire nteme akpatanden̄ òriọọn̄ inu ikeya, ìsibi ibe ke owu môkọt ikaan̄ owuwa ofifi inu owu obokọt irọ?"

Ifọfọọk ibe, "Ubọk geelek ibe ke emi ìre okwukwut ikwaan̄, mâkọt irọ owuwa inu ebilene ebekọt irọ. Kubọk, mâkọt ikween̄ inu. Mâkọt ikpọ etip mè ikween̄ ike inu egbaan̄be irọ etip ya. Mâkọt ikween̄ mè iriọọn̄ lek esese inu, esese ere mè esese ubọk ige-inu."

Chat ofofo isi ikitumu ibe, "Nkween̄ ogbogbo etip ebilene erombe. Kubọk, mfuk ogbogbo ikpa, atikulu, akpatan̄ etip, mè akpatan̄ mgbaan̄-nrọ."

Ann ododo ibe, "Ìre òbe otutuuk inu oriọọn̄be ìnan̄a me lek inu ebi ene egebe mè irom?"

Chat ofọfọọk, "Iin̄, ǹkikween̄ inu mè ikiteme lek n̄a inu sa me ogbogbo etip (mè ìre nkwukwuuk etip) echi ebi ene erombe."

"Mâkọt ifọọk owuwa lek idodo igwat lek igak ebi ene. Mâkọt isa mgbidim mgbọ irọ ufialek òyọyọt, eyi òbomọnọ ebilene ujọn̄ọ mgbọ irọrọ inyi ita. Nkaan̄ ifuk-ibot igak ene geelek.

Mâkọt isa inu nkween̄be itumu ifieek inu mbarọ. Igọọk me lek inu nriọọn̄be ofolek kwun̄, mâkọt itap ubọk inyi owu òtumu òfieek inu oborọ."

Ann onenido ebi ìkikpọ orirọ ya ibe, "Ìre eji mîweek ibe ebi kè akpatanden̄ eriọọn̄ otutuuk inu geelek eji eriọọn̄be?"

Ann onenido Chat ibe, "Tumu nyi emi ike ebi kè akpatanden̄ ekisa ikween̄ inu ofolek ebi ene?"

Chat ofọfọọk ibe, "Akpatanden̄ îkaan̄ esese nroon̄ ikwaan̄ òkitap ubọk inyi emi ǹkọt m̀bọkọ etip. Ǹkichubọk ikween̄ inu inan̄a me lek etip egege, ire, nkikween̄ si inu inan̄a me lek otutuuk etip ebilene ekisana isibi."

Chat ofofo isi ikitumu ibe, "Mâkọt ifuk usem egebe me ubọk mè eyi egwagwat itap me emen akpatanden̄. Na re mgbọ keyi, usem ebeke ore achubọk usem nkisa ikaan̄ etip. Ire, mâkọt ikween̄ usem geelek."

Ann ofefieek ọmọ ikọ ya me otu mè ibe, "Nriọọn̄ ibe ke owu oriọọn̄ owuwa inu ofolek ogbogbo inu. Sà inọmejit yê? Ike owa ke îkup me lek kwun̄ owu irere ñgobo-ntet ogwu ebilene?"

Ifọfọọk ibe, "Emi ìre nteme akpatanden̄ òkup lọkọlọkọlọkọ, ire, ǹkakaan̄ inọmejit eyi lek n̄a.

Emi ìre nroon̄ ikwaan̄ akpatanden̄ eyi ebi usọ nteme akpatanden̄ erombe ibe ikitap ubọk inyi ebi ene me lek ikwaan̄ mè ifit. Ǹkakaan̄ nkeek geege mè ìre inọmejit.

Mâkọt irọ inu inyi ebi ene, kubọk ifọfọọk idodo, igege urọk, ikakana usini usem, mè ikakana etip igwook."

"Enyi mînọ me otu kè Ñgobo-ntet ogwu ebilene me lek kan̄! Îre nroon̄ ikwaan̄ òkaan̄ oruru, eyi ebi ene erombe inyi ebi ene. Ìkup me ubọk kiji isasa nroon̄ ikwaan̄ yi òkaan̄ unye irọ inu me oniin̄ òkijeen̄ iriọọn̄-inu mè inọ-lek!

Otutuuk eyi eji ekaan̄be irek inyi chereyi ire eya, ubọk geelek îrebe ke nriọọn̄ ibe owu môkọt ikaan̄ owuwa ofifi idodo. Emi ìre Ann Asante. Onirọ me ikpọkpọ!"