Aza fi nnapi gbo-gbo. Azoho fi nnapi n ba ba mwasa. Azoho fi nnapi n bata mwasa'n.

Takarda ye kwoin dabo tu api n bata muasa, a yi kwo ge manyatta. A min kwo nna kunu akaya.

Manyatta ye kwoin kwo dna n Kenya, n dna Samburu. Amapuyi Sidai bodo Naeku ba fi n yakun gmai, mba za mayi bodo mba madoyi ba filo n yakun gmayi.

Mba dida nayi bodo mba maje ngwa ta, bafi n yakun do bodo mba byi.

Ba kun anakwo kna bodo ba bmaje zhin. Bata kunsun nnajeyi ba mwasa. Ba zna ba snai aba woi-woi n ba ba kna nakwo.

N manyatta'i ba shekna n aknawi. Aknayi ba ba kwu anakwo wna fi, ba je azhibeyi nyaya.

"Ya ya yakun min yi gwo akaya yakun min yna nna bayi. Ya ye kwo a shawi bwala yezhi ya yakun min," Sidai wa dabo.

Naeku wa be beda, "Nge yi kpe she gi zhin ampani nna gbe-gbeyi ya min yakun. Zozohoi nwo dna n Manhatta'i wa bmazhin n yakun min."

"Yi zhin ampani nna shinwa bwala n ba muakpa ya she kna. Yi zhin ampani nna bwala byi-byi ya pagi nna dnagmai ya zhin lubwi kwa gnia gi," Sidai wa dabo.

"A shawi n gbagbayi, ose ta myi ba yan," Naeku wa be gbe.

Sidai wa gwo du n bedayi, "Ndai a shinwa bwalayi ku gna gi ba zhin ampani nna fintoloyi ba pa ba gi nna onwuyi."

Naeku wa be gbe, "Yin ya be nna gbe-gbeyi, ba kni ba ba kwu agbe-gbe ba kpe nna shawyi."

"Abya kwa gniyi n gma bodo nyipyeyi," Sidai wa be gbe.

Sidai wa be gbe, "Abya n yi yakun, a zhin a ta kpe kwo a a shi zhi."

Naeku wa cige, "Yaba ce nkwo nu zhin ampani n onwui bodo nna nakwo mi ya ce yaba cei. Ya yabaje ya kwu fi n yakun pa. Ko kwa bmazhin kwa nya amu ya bodo osei."

Sidai wa gwo du, "She a fi onwu n yakun pa, ba kwu a shawi bui nna gbe-gbeyi. Ya pmi ya ce kwo yaba. N yabayi kwa yi kwa dna kara."

Naeku wa be gbe, "Ayakun to nna wondoyi, a myi akpako. Nna katakoyi fi."

"N akwu yaba ce kwo kwa fu kwo ose," Sidai wa be gnu. "Ayi kni, de nu ge fukwo?" Naeku wa nyabo.

"Onwu bodo anakwo ami ba bma zhin yakun kwa fu n mi, nkwo guna nkma. N ese fu yakun pa kwa zhin yakun min kwa guna, kwa gugurugu shin," wa gna wo mapuyi.

"Zozohoyi n wa dna n manyatta wa bmazhin n yakum mi. Ya bmazhin n yakun mi, ya bmazhin ya aba kuya n yi ya kuka.

A to dnabo nna ba yi aba ya lo yi zhin ampani nna kayi nna bado, " Sidai wa dabo.

"Eyi a tnu-tnu akaya to woshan, n yi ba key lochei nnabado. Yi ya zhin ampani nna jaki, bodo rakunmi, ya kun akaya, ya ku akaya, dodhoi n ba na. Apmani nge abya kni kniyi," Sidai wadabo.

"Yi ba mi ya Zna akaya woi-woi nnaba ya lo," Naeku wa be gbe.

"Eya puwa kwo la byan-byan n ayin-gi. Yi zna n ayna kpa," Sidai wa dabo.

"Yi zna zuba kwa wuge yi ta taba ya zhin makata n ya nugudoyi, " Naeka wa dabo.

"Eyi makata kwo kwa ye ya ba a takarda harma kwa zhin ya nu gbe, nna zadohi," Sidai wa gbe-gbe.