Aza fi nna ba gbho-gbho. Azoho fi nna puwa adnagmayi nba kpaje kpaje'i. Azoho nfin puwa n koto nkin sitayna.

Kpa mua yakun bo migni nko ba kwu apuwa je-be n she. Takarda nkwo zhin nna puwa bogni ashe da bodo apuwa kpaje kpaje nna zo n'knin.

Misshelle n Catherine ba zhin amapuyi nu. Mishelle woboyi la ga makatan dnagmayi bo. Catherine wo bo dna n oye gpagkayi n makata.

A mapuyi bo dna nkusu nwa dadayi bodo nwo yayi, bodo nwo yakwoi n yakun kwo bo gni n muakpa n Nairobi. Ba bo zhin bayada nnaba ba fin, nba du zhimi, kamar she ho zhin ha ge olu tu sheyyi.

Iyalin bo yin n yakun ho nkwo bo gni nbaje shiba cei ya ba nkwo sinta n yakun kwo bo min gninyi n muakpa gni. Ba bo zhin bayi zhin, akma nyayi nu kwa lo ba nba puwa she.

Catherine wo bo ba yakun gni she, ba bolo ba she nyin. Wo gna ge wo yelo wa zhin mototuyi nwihoyin. Mishelle gna ge wo yelo wa zhin yakun min ce, n ba kpaje kpaje.

Catherine wa nya bo ge, "A puwa ye du apuwa jeho nyi kni ye?"

Mishelle wa dna bo ge, "A-a`, yakun ye kwoin kwo gni 126 nkwo kpai. Yakun kwo du kwo n Africa kwo lolo 393 bwa. Yakun kwo dulo nna aye okwo nu nyi 830 kwo n wuna!"

"Kwo zhin kwa zhin nwuna yakun nkwo mua kpa kwa gni nna gna?" bowowo Catherine.

"Nna ba da, ayakun nna min kpaje kpaje gmayi nu. Ayakun ba zhin ngu aba nni oba kaya gni azhatayi bodo n sikgnayayi.

Oshe yakun min a min ba kpe nnaje, a yakwo min a fiko azhata. A kaya gmaje gma-gmayi kwa zhin yakun kwa gni n wowoyi. Ha gye yakun kwa la mua sa gni," amsa nu n Mishelle a ga.

Nnaboye a min yakun oshe ye, a zhin a bmokun nyin n mua kpa, kamin a ya yakun min kwa gun lo she.

Njesun shinwa nkwo bo nna gbe gye mizhin gni kwo ta miya, odo nkwo tobo nna gbe gye mizhin kwo ta wo miyan. Yakun kpaje kpaje kamata lo kwa myi gni dna kuta sinta. Nsahoi kuta'i kwa lo dna knawuyi dei dei.

Njesun, atnu-tnuyi zhin ba yakun je nu ba kafin a soko fi. Ba zhin ampani n ebwa kala'i ba min kwo.

Ebwa kala yakun kwa ye a yakun min ba min yakun n muakpa. Ebwa kala kwo nwoshna wo-woi.

Yakun je-je kwo wu ge oyanu nna kwo ya gni to ai zhin kwo aba, kamage azakwoci suknu.

Ebwa kala nya kwa shna-shna. Kwo nufi ge yakun ba mi kwa shna-shna (ama a ta gye kwo ci-ci).

N ese gni kwo ci, kwo ekni kwo shna-dna, ebwa kala kwa zhin yakun kwa shna-shna ciwi.

Ebwa kala nya nu shin yakun kala.

Nna ayakun akpaje ye ba zhin akayanu nna zhin a be cei, a yeba bodo, cimiti, bodo nnamui, nna kutayi a zhin atnu n cei ba fi kwo zunba.

Osanu nna ku cimiti yi bodo nna kutayi, nna mui ha gye yakun la kala bwa.

Atnu-tnuyi zhin nba min ayakun nbo n she gyi, ba min kwo ba je nu sinta ya kamata kwa kala bwa n mua nna bayi abe odo mi tu kwo n she. Yakunyi kwa nu kwa bwa kala.

Azhatayi nna muyi bodo nna katayi kwo zhin kwa zhin a gye tnu -tnu zhin nbye. (Kwo zhin kwa gma yakun zhin tu ose bodo nuwayi).

Amu gau-gau zhin kwa bma yakun zhin, osanu na ya ebwa kala bodo cimiti kwa zhin kwo abye ba bwa ba ba kun akpako ba bokwodo n ba gye yakun la gni.

Nna la pwo yakun min bo a kpa kwo awaya bodo afikwo nuwa azhin kwa ba.

Gma nhai, she ala pwo a kpe kwo onna, bodo nna kpakoyi, bodo nna yayi n kwo ba bma zhin n yakun dnagmai.

Mishelle wa cige, "N mua bege n zhinmi n ba to nna bayi lo, n a yakun ho muakpa kwa gni. She mi bo zhin yakun mi'i, mi bo bmazhin mi min yakun nkwo dulo bo nkpa, kwo nu bo zhin vinya n ko dulo nkpa nnayiye!"