Terna tobo puwa'i. Wo znai ayna gyi-gyi wa gyi dna zhabu.

Nsahoi wa wange dna zhabu, abe bodo galikosa ba shi wa wye ba kpe shinwa eshe.

Wo bo wo zna zinba n zhabu, wo gye ashinwa berekete.

"A shinwa zhi ba zhin gma," wa zhin gbugba.

A` wo be, wa sase, wa yashi wa wange.

A` shinwa'i ba ga wo fnu ba gwu wo n nyipyei, a`olu ba kwanyi.

Wa zhin ami.

"N` ma gbe a shinwa ya, mba zhin a giwe ma mi a'puwa mua bege."

Wa lo api wa gwo shinwa~sa~nya. Wa ya shinwa mi.

A` galikosa ba bawo nge, "Suku-suku wo to myi a shinwa ya. Ba zhin ayi api nu bodo olu'i. Kuma ayi nyagi."

"Me ye giwe lo ma mi api," Terna wa dabo.

"Kwo to byan lo, ho zhin ewye nu, ha myi aza bege puwa ya ntu hoyin bo, nho gmayi," galikosa kwa gna wo.

Terna chige wo la bua ba, wa lo da galikosa wa ciwo ge wo buami. Wa ya shinwa~ka~nya shi, wa lo da galikosa.

Nwo nugudo, galikosa wa ciwo ge wo ba myi wa zhin ampani n ownu'i bodo n'a gbegbe'i wa mi nyaknu.

Nwulenu, ba ba bua puwa.

Terna bo la ye. Wa byi galikosa gna ci-ci. Galikosa kwa ye wo ge wo ka a shinwa gyi-gyi bodo a shinwa fyi-fyi she wo ba myi wa ka sun.

Ba kwu zhin a nugwudo dnagmai.