"Fye lo Yi zhin fye mambah lo, ntu beda n yi ya gna fe, Ami nu zhin bedayi Ann Asante! Yi zhin fye mambah lo aza mba fi nna pyi ba gye bodo aza n ba zhi ya.

Nnaye, yi na zhibeyi lo n yi ba nya ba bo. Mi na agmada'i lo ma nya ho bo nnaye, bewege'i!

Ho lo, AI. sannu mua bei shei ha be ha dabo yi nnaye," Ann na dabo.

"Ma gode shei ha nya mi bo, Ann ho ba ye ma zhin ampani n mi bokunmi ma dabo n'azai n ba fi n bokun'i, ma ga ho amsa n jejeriko?" AI wo nyabo.

"Magode, zhin ampani n ho nya~ka~nya bodo n beda n ho ba da, kwo ba bmazhin, AI," Ann wa dabo.

Wo gwo du, "Fye lu AI bwa, sukusuku."

"Mbolo ma nya bo nya~nya. Ayinka nu zhin beyekpe'a?" Ann nyabo.

Wo gwo du, "Mi kpolo ge A.I. kwo nu zhin Bewege'i, kuma kwo dna nna zai n ba kpe beye. Ama ho zhin yikana, AI? Yi ye ya kpe ho ye."

"Mi zhin ChatGPT, mi zhin bewegeyi nu. Aza nba kpe beye, obo nna zhin mi," Wo ga amsa.

Ann wo bo ku bo gmaje, "Kwa wu yi ge nana?"

"Mi zhin aza nu n a beyekpe'i ba zhin mi ma dabo n azankwochi. Awye ba ga n a beyekpe'i ba zhin abo gbo-gbo, yi ya dabo gbo-gbo," bewegeyi wa gwodu.

"Mi kpolo ge ho ha dabo, ama ho je kni dei nu zhin'a?" Ann wa nyabo.

"Ami beye ma bma aza zhin. Mi tu nna anyi bo si-si. Ami tnutnu kwa ga aza amsa n ' bwa-bwahoyi," beyekpeyi kwa dnagbegbe.

"Ho zhin bewegeyi, tnu tnu nya, kuma ho ha bma aza zhin," Ann wa dnagbegbe.

"N`ho tnutnu zhin beyekpe ya nu, ho ba je bodo zhin n du-bo? " Ann wa nyabo.

"Tun da shike mi zhin tnutnu nya nu, mba zhin abo gbo-gbo n azankwoci ba zhin. Nge`, mi ba tu bo mu. m ma gye anya wye ma tu kwo mui. M' ba myi ma kpe anyna gbo-gbo, anyaka gbo-gbo, n awyeba'i gbo-gbo."

Wa gwo du, "Mi kwu abo kpeye n azankwoci a zhin, nge mi ba a takada gbo-gbo n abo woi-woi zamani ny?"

Ann wa nyabo, "Nge ayna n ho kpeye kwo pa n n beda n azankwoci a ka'i a knu kwo becheyi."

Beyekpeyi kwa dnagbegbe, "En,' mi bo zhin mi tumu, mi gwo abeda muamuayi n azankwoci a zhin."

"Mba myi ma ga amsa pyei-pyei du azankwoci. mba myi ma zhin abo bo dnai ndu azankwoci. Ami bekpeye lo ndu azankwoci.

Mba la shaura n tukwo tu nna bo dada n n mi woi. Mba myi ma kni bo n abo n mma ba tu ho'i."

Ann wa nyabo, "Yi ce pma lo computer kwa kpe abo ye shei azankwoci kpeye'in?"

Wa nya beyekpe bo, "Gna mi she computa zo kwo kpe aza ye, kwo kpe abo boyi-ye?"

Beyekpeyi kwa dnagbegbe. "Komputa n'na ayna filo kwo zhin kwo, kwo kpe aza ye, kwo kpe abo ye. Ama n muabege ma bua nna takada."

Chat kwa cige, "Mi ba kpe ayna ba n a ka n engen'i bodo n'a bwai. Mi zhin ampani n turanci nyna, ama mi ta tu abye do mu."

Ann wa cige, "Mi kpelo ge ho kwu abeda da bwa, kwon kwa wo ho wuna? Ntigena ho to zhin azankwoci nu ho zhin beyekpe nu? "

"Mi zhin tnutnu nya nu, mi to zankwoci be sna-snai lo.

Mi zhin tnutnu nya nu a zhin mi ntige ma gwo bechei mi gwo lochei, mi kpe abo ye berekete, mi to n azankwoci obo-sna lon.

Mba zhin tnutnu mi ga amsa, ka labari, mi bayana n'abye gbo-gbo, ma ye abeda guaje."

"Ho kwu wo n AI! kwo zhin akaya tnutnu nya nu. Azankwoci na zhin kwo, ba zhin ga aza. Kwa ce yi nya nu ya zhin ampani n akaya tnutnu-nya n gaciya dna!

Bai nu bwan n yi ba wo n'naye, mi kpelo ge fye n'na bo nya-nya lo gbo-gbo. Magode! Ami nu zhin Ann Asante."