Aza fi lo n 'na piwa gbo~gbo. A mi ado n kunu'i, nwuge agbe~gbe. Adoho a mi ba n' zamani woi-woi, nwuge maganyi bodo cimiti.

Adoho a mi ba n akaya zhin~zhin, adoho na kaya kunu nya. Shei lubwi beda kpeyin.

Kabo bodo Thabo fi n Kgatleng n' Botswana, ekni znu dna n' ayi kwo Mochudi. Ba fi nna lubwi bodo aba zamayi.

"Lubwi zhi a nyaknu kunu nya, n' ace bmia zhin n byayi. A nyaknu ye pya, ba lo n muabege n' South Africa," Kabo na dabo.

Thabo wa gwo du, "A lubwi ye ba wu kululu, nna kpakwo, n'aba ce ase ba lo be. Nhaye yi na maganyi filo. N' aba to ba chei n' kwoyi kwoyi."

"Eyi zakwoyi nu na min lubwiyi ga yi man nna kunu akaya. Eyi Baba wo dna a nasara yakun mi akaya," Kabo wa dabo.

"Beda ntu lubwi mi~mi," shaura n Kabo a ga.

"Wa cige a nyaknu mi'i ba zhin ampmani n'a shinwa sasayi, kuta, owu, bodo yaba.

Ba ya obwo yin. Ba gwu ko n'a kuta, n yaba'i bodo n'a mui. Kwa zhin nyaknu shi~shi n karai a ce a mi nyaknu tu."

Thabo wa gwo du, "Ayaknu mi'i ba zhin ampani n'a shinwa kara da n'a kpamua n'a gna-gna, ba she kna ba pa shinwa gi aje, kwa zhin digo n'a gna-gna.

Shei ba bo ku nyaknu mi, a nyaknu mi'i ba ye akuta zhi n kpakwo."

"Nje`, a nyaknu mi'i ba be n onwu'i, bodo nuwai, bodo n'a nakwo ami, ba yekwo gmaje. Kwa pmi kwa zo yaba, har kwa kala dna kwo la yi. Ba kwu yaba'i fi nna bmi ba nu," Kabo wa dabo.

"Akuta bodo onwu'i a shi nyaknu n cei kwa muasa," Thabo wa dabo.

Kabo wa cige, "Nyaknu pa ku gugurugu gwu fi mi."

Thabo wa cige, "Gwu fi mi kwa gna ge okpa kwo guna, ami kwo fufuyi. Gugurugu nkwo kna n'nyipyeyi kwo ta lo mi sai nyaknu pa.

Aba n ese duwi, gwu fi mi kwa zhin lubwi guna."

"A nyaknu mi'i ba zhin ekni lubwi nya, ba kwu yaba fi kni," Thabo wa dabo.

Kabo wa cige, "N ba ba pwo ekni ba kma yaba'i kpe she' ba ta kwo. She' kwo yi a gye kwo byna byna bynayi, ekni kwa kwudo."

Thabo wa cige, "Kma kna ba byna nyaknu. Lubwi kwa tukwo dna n' tantan n' tuwo papayi.

Ayaknu mi'i ba kni bya ba bya kwo, ba shegun chei har kwa gmi tukwo ya gun n'a tantan. Bya nyaknu, agma ta liya kwon."

Ebya kwo zhin nyakun byan nya nu. Ama kunu nyaknu byna byna kwa be n'a nyan wei-wei n'a nya je. Ba zhin anya n' ba she za!

Dna jejerico we ho ba ge: a bubugi ngwa ta`, napisi, papala, adna, bodo n'a gwowi?

A` kunu nyaknu bya-bya kwa be n'a bubugi, ba mi yaknu ba gyi nyagi.

Bubugi ta mi nyaknu ya ba ba nwa anya wei~wei.

Dole ya dna a nyaknu kunu ya byna ~byna ,ye dna kwo we kama ge, adna, abuzikwo, bodo gwowi.

"Yi mua bege lo n yi fi n'a lubwi! " Thabo wa dabo, n'wa dna n' lubwi bya-bya. Wa wo a bubugi dna.

"Beye kwa ka mi wye, she'anya wei-wei aje knu su yi?" Thabo wa nyabo.

"Shei me' be mi ami nyaknu, me' be mi ami lubwi zamani nya byan-byan!" Kabo wa masan.