Madina be zhin nyikwoza kmisi n' karembe pua.

Ba fi lo n' Bandiagara.

Dna weshe, Madina wa lo wo gwu kpako.

Wa ge abi nyikwoza nbodo azanigbai.

Madina be la ewye ka bwa shei wo bo ge abi ngwa aba.

Wa yi wo dida, "Dida! Dida! Abi ngwa aba zhi lo n' kpakwo aba."

Dida wa busi lo kpakwo aba.

Shei wo bo ge abi ngwa aba, wa nyabo, "Ayinka nu zhi a`? Fye knu na?"

Zanugbai da wa dabo, "A' to mi ge Assama, ami mado gni a` yi wo ge Yakoromo."

Assama bodo Yakoromo, a` ku ba be, kuma ba wodna.

Assama wa gwo du n' bedai, "Ya knu kauye a yi kwo ge Songho, n' bi~dna n' kauye Doucombo."

Ada be la egbe kun, to wo myin wo dabo'.

Madina wa cige, "Dida, fa ba ba lo fi. Akwu ba be kuma mikun gnu ba lo. Ba ye yi lo."

Yakoromo wa kpe gbe.

"Aza nukwoyi ba ku lo fi n yi kauye. Ba ku ya zakwoyI wu, ya bu aya kaya."

Wa dabo n' bege byi'i.

"Yi be dna ozna n' ayinpe mua bege. Yi ta kpe aba n' to ba lo, kuma obo yi ba zhin."

Ada wa gwo abi abwa ba~ba.

"Fye lo be, nfe piwa nu gni ya. Yi ba da kwo bo fye ku tashin," wa dabo.

Abi ba gyi nyagi knu bai, nyagi kmisi b'day ba be je gyi asa la mua.

Asa feyi, Madina wa la Assama bodo Yakoromo fi ba nyakun.

Tun nwyi, Assama bodo Yakoromo ba ku zo apua da n' KAREMBE piwa.

Ba fawe n' abi ajei kuma ba zhin tnu tnu n' abi ajei.