Me gwun̄ ama ge òkup me Malawi, mîkaan̄ uwu-ikpa òsibi esese.

Ekigwen Chiko, mgbidim erieen̄ òkeke inyi imumechieen̄.

Uwu-ikpa kiji ìre ere ikpọchieen̄ mè imumechieen̄.

Îre uwu-ikpa òkup inyi ebi kpante kubọk n̄a.

Ajakajak òkaan̄ esese chieen̄ okana uwu-ikpa kiji okokop. Chieen̄ òtoon̄ araran̄, mè echi òkup unwan unwan kubọk ura, mè echi oluku òkup esuuk esuuk.

Uwu-ikpa kiji ìre ere òtotop mè ikibele ene ejit.

Ebi ikwaan̄ ekinyi eji inorie mè enyi ofọnti uwu-ikpa me ọsọ.

Eyi okirọ mè eji ekaan̄ utelelek mè ijeen̄ ibe ke ema mîma eji.

Ire ìkare uwu-ikpa keyi, kpamariọọn̄ ike ekifuk ikpa mè ike ekige inu.

Emi kpamakọt ikween̄ isọsọkọ ifuk mè ìre imun̄ urọk òkitop ene me lek mè emen ikpa.

Ebi ijejeen̄ mè ebi ikwaan̄ me uwu-ikpa kiji ekup kubọk ebi otutun̄ ukan̄ kiji.

Ema erọ eji emun̄ lek kiji kire ebi ene mè ekup kire ebi ìkaan̄ ene me lek.

Usen geelek me uwu-ikpa kiji ìkikup ayaya.

Eji mîkween̄ eru itatap ubọk inyi ebi ofifi ene mè ikekitọn̄ ene me lek ata inu erọbe.

Uwu-ikpa n̄a ìkajeen̄ emi ubọk ekifuk mè ige gaalek, ire, îjeen̄ emi si ike mâkọtbe irọ inwọn igak ike nkupbe.

Îjeen̄ emi ibe ke sa me imumechieen̄, mè ata ejit mè isisi ikpa, eji mêkọt itim ikpan̄ inu geelek.