Dna saho, aza ma`ma` beyin ngwa tnu ba knu fi ba zhin bebehoyi knuajei.

Nwihoyi yagi kwa ku ba zo. Ba yi aje ba nya aje bo. "Yi b bwa nyagi na?" aza wa nyabo.

Zazahoyi to bo bwa gbe ntige ba to bo n' giwe bodo nugudo'i n' azhi'i.

Shei ba be zhin nubwo, sa fyei aza knai wa cige, "Yi che ya lo!" Aza bayi wa cige, "Yi lo na?"

Aza tayi wa cige, "Ya lo yi wyi nyagi." Aza nyi'i wa cige, "A to bo wan yi?" Aza tniyi wa cige, "To wu gbugba ya!"

Aza ngwa tnu yi ba lo gyikwo ba lo ba wyi nyagi ba gyi.

Shei ba'be ya nyagi wyi, a ku ba wan!

Aza tnu'yin a lo ba n' busi byi da aba.

Shei ba nyabo, a busi byi da ba nyabo, "Nyika na be n' shaura nge a wyi nyagi a`?"

A zanigbayi ba ye tnubwa kuaje. Ba gna a busi da shei kwo bo ya wu.

Aza kmisiyi wa cige, "Mi bo ga shaura nge yi kuka ya lo toge yi wyi anya." Aza bayi wa cige, "Mi be gni n' wye ka aba n' yi ba lo."

Aza tayi wa cige, "Eyi vnya ba ku ye nge yi znai nyagi."

Aza nyi'i wa cige, "Mbaku pma ba gna nge a be nwa yi."

Aza tnuyi wa cige, "Yi la ewye pa, yi kpelo ge yi zhin avyi nu, che nu kwo zhin ma cige, 'yi to vyin'."

Shei ba bo kwu pwo, a` busi byi da ba gye ge aza ngwa tnuyi ba be n'a bwa fi n' vyi wyi'i.

Busi byi da wa cige, "Kwo bmialo a` zhin shaura manai toge shaura nukwoi."