Ezazhi è le èmìzhi kakanyi. Zasashi katafiti bo e le ò. Ndocizhi ma katakinzhi bo e le ò.

Kata nanazhi keto be èmìzhi dokun tukpe dozhi na. Gbaka nana gangan eti tutu katafiti na yi be kintara kama na.

Mishelle be Catherine yegizhi a yi ò. Mishelle à tsoba na wun à sa katunba-tacin jin na. Catherine ma dan eya na wun à sa katunba patampa jin na.

Yegizhi nana dan be nyamanci à be nnako à nyi, gun katafiti Nairobi ò. Wun è mafi à na dan tiffin ezhiko nana ò na ke eluzhi kpe cigbanko ò na.

Ezami àzhi gun èmì na dan ègba eshi be gubaci katafitin nana ò. Cenlofin ga è dan ò ci è lo èmì ò.

Catherine ma fe ba ègbazhi a ga è lo ce zhin na. Eyafitipaci ga wun è wa ù zhe yegboro ò. Mishelle ma égbábatu na à tu katafitizhi ga wun è wa ù zhe ò.

Catherine gbingan, "Katafiti yi ga keto gán Africa bo ò?"

Mishelle zhe ù, "A'a, kata nana tsuwon 126 ga ù keto. Kata na ma keto gán Africa ò na yi be tsuwon na tu 393 na. Na ma keto gán yizhe ò na yi be tsuwon 830!"

"Kasa! Ke Kata gazhi wonkin wo gigbaro na ò?" Zhe enyayeka ya Catherine.

"Akpesha, yeni ga è tu katafiti kpata ò. Gwako nyagagibatu ùzhi ga yi nyakpa be eguntsùnci ò.

Egba tu egba ga è la tu katafiti ò, evo-nyakpa ga è ca be nyi ò, wunci zhinmitu lila eguntsùnci ma evo-nyakpa goba. Nyagagibatu nanazhi keba wun è gboka be efojin," Mishelle zhegan.

A tu katafiti, etunlocizhi è la kin gba kodo è bedzo na à la ekpo-kata nana wo na.

Kemina cigbanko yi be gbèrèko na, katafiti ù gonyi yi be ekpo na gboka ta takun ò na. Kandoci takun nana yi be gbèrè lo kin.

Be, etunlocizhi è la évó-kata nana san. A ci è tu be nyakpaswarwazhi.

Évó-nyakpa ga è la kata ci è ye tu lofin ò.

Nyakpa nana go ekpinlu wo. Évó-nyakpa ga yi kagbo katatu ò, kemina évó-tsúkúnzhi yi nakan eza ò na.

Nyakpa nana pan wo ò. Ke de kata pan wo degi na
(wun ye payéku leyé à).

Efeko ga è ku, ko kinkun, évó nyakpa nana ga è la kata pan wo degi ò.

Nyakpa ga yi kagbo pipan nana ò re.

Nyagagi batu nakena ga yi eguntsùnci ò. Enyanazhi è la zhin eguntsùnci ga yi ke jikana, egunputu be nuwon è. Etunlocizhi è zhinzhin hari wunga zhe tekan nyi, a ce zhe ù fi évó-nyakpa nana goba.

Egun tekan nana ga fe, wunga tsun ke takun na. Nyana è zhe egbakin be shempazhi na ga da ò na ò.

Etunlocizhi è tu katafiti tu lofin, egba be egba è. Egbakinzhi ga è la kara gán ò. Eguntsùnci ma la ekpinlu à wo, wunga la kata ce gboka be cinnyi ò.

Eguntsùnci è la eva-nyakpa gonyi wunci è kangwa nuwon be efe lò nyi (nuwon be efe ga è la nyakpa kpèkazo ò).

Kami nana ga è shì ekpo cenlofin ò. A ga nyakpa to eguntsùnci sajin, etunlocizhi ci è ku kpebagizhi fi bo. A ci è jin parafin be shempazhi, a ci à gun egba wuncin mi.

A ci à ta egban-énázhi, gbangúnú-nuwonzhi be nyagagi ebadzutázhi fi katafin nana ò.

Ezoci, etunlocizhi ci à ku énázhi, kpakozhi, danawózhi, be nyana ke e ku fi katafiti ò na.

Mishelle ci gan, "Dokun ezhikozhi de ebazhi be à. Katafitizhi ga è won ebazhi dan. Mi ga be à zhe egbá, mi à tu katafiti na keto gán yizhe ò na!"