Ezhi bazuma ndoci danbo kin Malawi na yi be Katunba Cinnyi na.

Wun è ye Chiko, na à jiye be cincin na.

Katunba yi nana eba yélo be cincin wun yi ò.

Katunba ekungizhi ù yi ò dòzhin mi.

Korolazhi à ma katunba yi goba.

A de dzubyazhi, koronazhi be ecinzhi nyagbanfa.

Katunba yi eba egwaya wun yi ò.

Etunlocizhi baga è ya yi nyagici be èwòkatunzhi èfya.

Wunga è be yi tsutswa be boyebo ò.

Ka katunba nana danbo à, mi à ma katun gba be kika nyi à.

Mi kpe enyabe ko guntu etàn wangi gbakazhi à.

Manzhi be etunlocizhi katunba yi ke ezami nini na a yi ò.

A yi la bé cinwon be dindinba è.

Efo ndoro è la fe ke efo woro be ninma è na katunba yi bo.

A wú yi kagbo bibajinre lo eba ezazhi be didajin.

Katunba nana wú mi gbigba be kika kawonyi à, hari be zhizhe ezaguru.

Wun wú gan be cincin, egun, be kpikpe è a de nyana eza jin wo à na à.