Terna eza na de èmìlileci à na ù yi ò. Kuso ga bo wun è de egicigban sunsunzhi gi ò.

Kandoci baga gabo wun è lè ò kàná be gbogizhi ci à fe cin ù le eti cigbanzhi be cikánzhi ò.

Wun fe za nyi ù dan kuso ò ci fe le cigbanzhi ye kakanyi.

"Cigbanzhi dana è nyíya," wun kpaye.

Wun sa ezan da za na, wun à fedun, wunci à kpétsò cigban ndoci ele ci ù la.

Cigban nanazhi à wuru kan yi ù be élúgizhi ma fe fu gògán be éníkó máná nyi tita ù bo ò.

Yekpa ndoci fe be yi ù.

"Abeke mi ga ba cigban ndocizhi, mi de éwó wo, be wún èmì woncikozhi."

Wun fe ezhi nin da ba gada-yikanwara. Wunci ca cigbanzhi nyi ba zhizhi.

Gbogizhi ya ù egwatan, "Ga ba cigbanzhi zhizhi ma. Èmì yi be eluzhi ga dana ò. Egicigbansusun ga yi nyagici yizhi ò."

"Mi è wa éwó na mi à wún èmì mitso na," Terna gan à.

"Wo à gán etiwo wa wunga la wo à nyi èmì nyakungi to elu kama ya ebo nya wo bo na," gbogi gan.Terna fe tàngwa. Wun fe ce gada-yikankama ya ci gba gbogi dza.

Eya ù gbogi fe gan ù gan wun sa lankpazhi be ègun nyi. Wunci ù la egozhi be ètun cigban tsutsucizhi tu èmì-kuru ya eti ù.

Acinga ga gubàbà yi à de èmìlècizhi ò.

Egan à ye Terna. Wun ci fe wa gbogi lo kpedozhi. Gbogi ci fe lugwa wun fè emuzhi be
Cigantunzhi.

A ci à zhe eya guru be dozhi.