Madina ga yi egi nusa ezami Karembe ò.

Bandiagara ga bo ezami nana dan ò.

Lozun ndoci, Madina da kpako tsuzhi.

Wun à le egi nyizagi be bagi yé.

Egan fe ka Madina yé na wun le dzakangi nanazhi yé na.

Wun à emitadan nda ù, "Baba! Baba ò! Egi dzakangi gubà gi eba kpako ò."

Nda ù fe tinya vanyi be eba kpako.

Na ù le à yé eba kpako na, wun à egangbin, "Zhizhi dan ò na ò? Babo ye fe be ò?"

Egi bagi ci gan, "Assama ga mi è yé ò, nana ma yi gwazuma mi, Yakoromo."

Assama be Yakoromo à bo, fuganyi, a ci ke à jin sannyí.

Assama gangan lo, "Ezhi na è ye Songho gabo yi fe bé ò na dan eka Doucombo na."

Egan fe ka Nda ù yé hari wun gan nyado wo à.

Madina ci gan ù, "Baba, lugwa a gan à zhin. A bó to madan ma è gun à. E wa wuce yi."

Yakoromo fe ca egan nyi gan.

"A kefi ezhi yi. Nyamacizhi danbo be à. Yi de enyandondo be à."

Wun fe gangan be bèrè yiringi.

"Ezan ga tsa ye fe da efozhi nyi ò. Yi kpe eba na yi à etitun ko jin na à."

Nda ù fe go à dan egwa ò be edzagba è.

"E fe be nin, egizhi, emi ye ga dan na ò. Ye ga fa yi à gan nakena," wun à gan.

A fe lòdan ezanbagazhi ci gilozun, nyagici yipa na a ka nyi gi efofozhi na ga dan ò na ò.

Aka degi, Madina fe ku Assama to Yakoromo lo kata àzhi.

Daga efoga, Assama be Yakoromo à zhe ezami Karembe.

E lotunmizhi be edzodzo keba be eginakenazhi.