Ezhikó ndoci ò, a de eginyizagi bologi ndoci na yi gan Ella na.

Wun wunkpa, epazhìkò, be tinyi zhìkò è. Wun yi be éyé tsakagi nyi.

Ella yi be yikan-bókùn nyi. Wun yi eza na de egun ci ma etunlo na. Wun è gán nyamaci ùzhi sun à.

Nyana è cika so à nyagban na ga yi éyépìnba enya. Wun ma è la gán egangbin.

Ke, enyakaci ù ga zunya na, Ella ci gbin nna ù gan, "Nna, ngba enyakaci mi da èkù?"

Egangbin ùzhi ci à kun nyamanci ù, kandoci, e dangan ù bo à.

Tosun, nugunci Ella, Henry, kandoro ga wun è shitukpa egangbinzhi Ella ò. Na ele fe dun na wun fe gbingan, "Ele dan para ò dan ci è tígí?"

Nugunci ù fe matsan ci zhi ù gan, "A'a!" Wun fe kpeganyé ya ù ke ele è dudu kamina lulu na dan fiti ò na ga fuyeko na.

Efondoci, wun à tinya bicidinzhi. Ezan ga wun da lo ga wun à le cigban epuko-nasara yé ò, edaga ò wun zun gwala ù.

"Oh kasa! Wun à wa boci," Ella à gan. Ke wun gan à na, cigban fe zhi ù gan, "E ba, mi à wa boci ga."

Ella à washe ci gbin ù gan, "Ke wo gangan gan wo na ò?" Cigban ci zhegan, "Mi ga yi cigban na à yazhè egangbin kpátá wo na."

Ella fe gbingan be, "Kila egibagi ci wó egan wo nyi à nyi ò?" Cigban ci zhe ù gan, "Ebona wun gbingan na."

Ella fe bici ta ta ya nugunci ù nyana jin na. Ezagubaba fe bici lo eba cigban. Henry à egangbin, "Wo ga yi ò?"

Cigban ci zhe ù, "Mi ga yi ò." A fe nyanya ninma.

Daga kanga, a gán nyamanci à sun be à.

Ekandoro na a ga de egangbin na, a fe lo eba cigban epuko nana, wunci è yazhe egangbin àzhi.