Wankwase u genegh yange lu iti na er, Maṱozi.

Maṱozi lu ken agar vea ngô na man ngô na u vesen.

Yange i genegh, ngô u Maṱozi pine un er a za na loho hen angbian u ngô na u kwase ken wangar u genegh.

"Dondo gbenda u ka se kar la," ngô u Maṱozi umbur un.

Maṱozi za sha gbenda u zan hen ya u angbian u ngô na u a vande fan dedoo la za na loho shon.

Er lu hiden ken ya na la, a ungwa imo i or u vôron ikyua a na lu kaan er, "Mzamber wasem."

Maṱozi jinge yô nenge kwase nan yav sha gbenda.

A sugh kwase la shi a pine un er, "Er nan u yav heen nahana?"

Kwase la kaa er, "M vôr shi M ngu dedoo ga, ya wam kpa ngu ica."

Mhôônom kôr Maṱozi a kwase la kpishi.

A kaa a kwase la er, "Me za a we hen ya wam sha ci u a lu ikyua yô."

Maṱozi wase kwase la mough a na sha. Ve zende tegh tegh zan zan ve nyôr.

Maṱozi vea ngô na man ngô na u vesen ve nenge sha kwase la zan zan hingir dedoo.

Kwase la na ishughun hen ve kpishi er ve nenge sha a na yô.

A wuese Maṱozi er a taver shima shi a we un ikyo yô.

Kwase la kaa a Maṱozi man tsombor na er, "Mayange je me hungur kwagh u ne er a mo ne ga.

Er ayange aa kar atar yô, m soo mer tsuwa nen akaa ahar."

Ayange nga kar atar yô, Maṱozi vea ngô na man ngô na u vesen ve tôm akaa ahar.

Kwagh u ve tôm hiihii yô lu ya u dedoo.

Kwagh u sha uhar u ve tôm yô lu u ikyô man i lu hen kungur ya ve er vea kera zenden u yemen ica za taven ikyon ga yô.

Akaa a ve tôm la cii er nahan vough, er kwase la kaa nahan.

Maṱozi man tsombor na cii ve lu hen ya u dedoo a ikyô ken kungur ve.