Yɛ maŋ ko mli lɛ, oblayoo fɛfɛo ko ni atsɛɔ lɛ Ella hi shi.

Ekɛ, ehewolo diŋ, kɛ yitsɔi diŋŋ. Eyɛ hiŋmɛii ni gbaa mɔ naa.

Ella yɛ ŋmeii fɛfɛji ni tamɔ ŋmeii yɛŋ. Eji gbekɛ yoo ni mli hi ni tsuɔ nii waa. Ekɛ naagbai haaa efɔlɔi kɔkɔɔkɔ.

Nɔ pɛ ni gba efɔlɔi anaa ji bɔ ni esumɔɔ ni ele nɔ ni yaa nɔ lɛ. Ebi saji ni yɔɔ naakpɛɛ waa.

Akɛ nɔkwɛmɔnɔ lɛ, beni e-niŋmaatso lɛ ku lɛ, Ella bi emami akɛ, "Ma, ani mi-niŋmaatso lɛ etee ŋwɛi?"

Sanebimɔi babaoo ni Ella biɔ lɛ haa efɔlɔi nijiaŋ jeɔ wui no hewɔ lɛ bei komɛi lɛ, amɛkuɔ amɛhiɛ amɛshwieɔ enɔ.

Shi kɛlɛ, Ella nyɛmi nuu Henry boɔ Ella saji lɛ atoi be fɛɛ be. Beni nugbɔ miinɛ lɛ ebi akɛ, "Ani nugbɔ ni nɛɔ yɛ atatu lɛ mli lɛ miifo?"

Enyɛmi nuu lɛ ŋmɔ ni eha hetoo akɛ "Daabi!" Etee nɔ etsɔɔ mli akɛ nugbɔ nɛɔ kɛ́ lasu ni yɔɔ kɔɔyɔɔ lɛ mli jɔ.

Gbi ko lɛ, ekpɛ eyiŋ akɛ ebaaje kpo eyanyiɛ. Be ni enyiɛ lɛ, ena blɔfo gowa tso ko ni efo enine yɛ oshara mli.

"Oh, daabi! Ehe miihia datrɛfonyo," Ella kɛɛ. Nɔ ni yɔɔ naakpɛɛ ji akɛ, tso lɛ ha hetoo. "Hɛɛ, datrɛfonyo he miihia mi."

Ella hie fee lɛ yaa ni ebi akɛ, "Te ooofee tɛŋŋ owie?" Tso lɛ ha hetoo akɛ, "Miji tso ni baanyɛ aha osanebimɔi lɛ fɛɛ ahetoo."

Ella bi ekoŋŋ akɛ, "Mɛni hewɔ gbekɛ nuu lɛ nyɛɛɛ anu ohe?" Tso lɛ ha hetoo akɛ, "Ejaakɛ ebiii."

Ella jo foi kɛtee enyɛmi nuu lɛ ŋɔɔ ni ekɛɛ lɛ nɔ ni ba lɛ. Amɛyi enyɔ lɛ fɛɛ amɛjo foi oya kɛtee tso lɛ he. Henry bi akɛ, "Ani oyɛ diɛŋtsɛ?"

Tso lɛ ha hetoo akɛ, "Miyɛ diɛŋtsɛ." Amɛyi enyɔ lɛ fɛɛ jo kɛ miishɛɛ.

Kɛjɛ nakai beaŋ kɛbaa nɛɛ, amɛgbaaa amɛfɔlɔi anaa dɔŋŋ.

Be fɛɛ be ni amɛbaaná sanebimɔ ko lɛ, amɛyaa blɔfo gowa tso lɛ he ni ehaa amɛsanebimɔi lɛ ahetoo.