Simingaliso ngu ken tar u genegh uwagh yande la.

Ior na jighjigh er ngu a tahav mbu taver kpishi. Hanma or hen tar wam nan ôron kwagh na.

Ka a gema ice na er a soo cii. Ka a er i ndiir shi i hide her.

Simangaliso doo ikyenge kpishi. Ka a waan amo sha ci u inyon man inyam i shin ikyô.

Ka a waan amo hanma aikie. Ior ka ve mough ajiir a icaa je u va ungwan ikyenge na i doon la.

Shie u genegh, Simangaliso ka a lu a ice i hemban lihen cii i or nan lu a vande nengen a min ga yô.

Ice na lihe i cir shigh nagh cica, jim je yô shie u a lu wan amo yô.

Simangaliso ka a zende a ningir ikyô hanma iyange.

Ka a ungwa shi a fa shie u kwaghbo a soo u eren kpaa.

Ka a kav shie u or nan lu a shima i bo kpaa.

Iyange i genegh, Simangaloso soo u zan zende. A soo u fan er uma a lu yande u zege uwagh la yô.

Er a va hen zege uwagh la yô, a hen ken shima na er, "Me er nena man me peree?"

Simangaliso hen a shima duôô man ngor er, "Tahav! Tahav!"

Fese je, tsar man due. A per a gba yande la a za hemen a zende na. A yem ica a ikyô i a fa i la.

Simangaliso vôr. "M soo ijiir i memen," a hen nahan.

A ngor er, "Tahav! Tahav!"

Fese je, toho maa mende kase un ningir. Simangaliso tema inya sha adegh a toho.

Ijen kôr Simangaliso. "M ngu ica a ikyô hegen. Me er nan me zua a kwaghyana?" a hen nahan.

A ndiar zwa shi a ngor er, "Tahav! Tahav!"

Fese nahan, utsuwa, agbande man ayongo due.

Akaa a yan man a man a hemban doon Simangaliso shima maa iv shin atsuwa, agbande man ayongo la.

A ya shi a ma kpishi er a soo la.

Simangaliso kav er m lu ikyua a na yô cii je man m zurum her ye.

A yila er, "Ka ana nan lu heelaa?" M rumun teghlee mer, "Ka mo. Iti yam er Bunmi."

Simangaliso fa er m lu a shima i dedoo yô.

"M saa ve," M kaa teghlee nahan.

"Va, ya shi ma kwagh vea mo!" M ya shi m ma kwagh kpishi er yange m soo la.

M ôr Simangaliso er yange m lu dondon angbian wam u vesen ve m va tsume gbenda yô.

Simangaliso pasem awashima na u va fan er uma a lu yande ne yô.

Maa, a se shi a ngor er, "Tahav! Tahav!"

Maa ka ape yange m va kav iyol yam hen hunda ya u mbamaren av je la.