Angbian wam u kwase, Sello kondo ato.

Lamen a ior sha ave. Ka se a nder yô, se sugh ayol a ase. Se lam sha ave, "U nder vee!"

Ka se a haan ishu yase kwaghyan yô, Sello a lamen a i sha ave.

"Ne mba nena?" kape ka a pine ve la.

Ka a lam a i sha ave.

M ngu keghen ken won ca gba hegen, m nyiar usu u shin kwa la kwa kpishi.

M ngu kaan a Sello mer, "Hegen ka ian yam!"

Ka se ese hunda ya shi se hura toho ken sule u imiondon.

"Nenge, ananyigôr!" M ôr Sello sha ave.

Se mba henen kwagh u mbaanyigôr ken makeranta.

Iyange ka i a za deôô yô, ngô wase a tindi se kera.

"Ne a rumun yô, yam shuga man atumba, me er keeki amin," a lam sha ave.

Ka se a due sha gbenda yô, m hii u peren u. Sello a kôrom sha wegh. A lam sha ave, "Tile! Umbur u yengen ve!"

Ken kasua yô, ka se pav. Sello a keren shuga, mo di atumba.

Shuga la ngi sha kpar u a tav sha a gande Sello yô.

A pine organden sha iwasen. Kpa organden la nan kav liam i sha ave la ga. Sello nger mpin sha takeda u a lu a min yô.

Ken ya, ka se kaa keeki vea ngô wase.

I a kundun yô, se nger i iyol.

"Nyoho!" Sello a er ikyav sha ave er ka una bende i ken zwa yô.

Ka se er tii se na ngô wase u tamen.

"Msugh ne," ngôtamen a lam sha ave.

"Ka msaaniyol tsô," anngôm a lam sha ave.

Ka a been tii i man yô, se ovur tebul.

"U ngu kilen agbande!" Sello a lam sha ave.

Tugh mbula, ka se kuve ayol cii shie u nyôron yaven ye.

"Saa kper," se lam sha ave a ayol a ase.

U lamen sha ave

U lamen sha ave ka zwa u mbakondon ato ve ongo je la. A fatyô u henen u.

Akav a tesen sha ave kpa ka zwa u lamen, ka di er u lun a kwaghôron ga yô.