"Ndeewonụ, nnọọ na ihe ngosi nke taa, abụ m onye na-achịkọta mmemme a. Aha m bụ Ann Asante! Ana m anabatakwa ndị na-ekiri anyị n'ụlọ na ndị nọ ebe a n'ụlọ mmemme anyị.

Taa, e nwere onye ọbịa onye ọ bụla chọrọ ịgba ajụjụ ọnụ. Obi di m ụtọ ịjụ onye ọbịa a ajụjụ taa. Onye m na-ekwu maka ya bụ "Kọmpụta Amamihe aka mere!"

Ndeewo, Kọmpụta Amamihe aka mere. Daalụ maka ịbịa soro anyị kwurịta okwu n'ụlọ mmemme anyị taa," ka Ann kwuru.

Ana m ekele gị maka ajụjụ ọnụ a, Ann. Kọmputa amamihe aka mere jụrụ si, "Ọ ga-amasị gị ka m jiri ụdaolu m kwuo okwu maka ndị na-ege ntị n'ebe a, ma depụtakwa ihe m na-ekwu n'ihu onyonyo a?"

Ann zara ya, "Ekele dịrị gị, ee, iji ha abụọ, ma ide ya ede na nke ikwu okwu ga-enye aka."

Ann gwakwara ndị na-ege ntị ka ha biko kụọọrọ Kọmputa amamihe aka mere aka.

"Ka m gaa n'ihu ozugbo n'iju ajuju a dị mkpa. Gịnị ma ọ bụ onye bụ Kọmputa Amamihe nke aka mere?" ka Ann jụrụ.

Ann gara n'ihu, "Amaara m na Kọmputa amamihe nke aka mere na nkenke bụ kọmputa amamihe si na ngalaba ọmụmu kọmputa sayensi. Ma ònye ka ị bụ n'ezie? Anyị ga-achọ ịmatakwu ihe banyere gị."

Chat zara, ''Abụ m ChatGPT, Kọmputa amamihe aka mere na-ede asụsụ. Ndị mepụtara m bụ ndị na-ede sọftụwia kọmpụta."

Nke a gbagwojuru Ann anya. Ọ jụọ si, "Gịnị ka ihe a niile pụtara?"

"Ọ pụtara na abụ m ụdị Kọputa amamihe ndị ịnjinịa mere ka ya ndị mmadụ na-akpakọrịta ụka. E nwere ụdị Kọmputa amamihe aka mere dị iche iche, ha na emekwa ihe dị iche iche. Ọ bụghị anyị nile na-ekwurịta okwu otu a," ka Chat gbakwụnyere.

"Ama m na gị na ndị mmadụ nwere ike ikpakọrịta ụka, gịnị ọzọ ka ị na-eme?" ka Ann jụrụ.

Chat zara, "Ebumnuche m bụ inyere ndị mmadụ aka. Enyemaka m gbadoro ụkwụ n'ịghota na ịzaghachi ajụjụ gbasara ọtụtụ ajụjụ na isiokwu dị iche iche."

Ann kwuru sị, "Ya bụ, ị bụ Kọmputa amamihe aka mere ma na enyere ndị mmadụ aka."

"Ọ bụrụ na ị bụ Komputa nwere amaihe nke ukwuu, ọ ga-enwerịrị ihe ndị ọzọ ị pụrụ ime?" ka Ann jụrụ.

"Ọ bụ ezie na m bụ ngwaọrụ kọmpụta amamihe aka mere, enwere m ike ime ọtụtụ ihe mmadụ nwere ike ime. Dị ka enwere m ike ịmụta ihe. Enwere m ike lee ozi anya ma mụta usoro dị na ya. Enwere m ike ịmụta ka esi ama ihe dị iche iche, ihu ihe dị iche iche, ma ederede aka dị iche iche."

Chat gara n'ihu sị, "Amụtawo m ọtụtụ ihe ọmụma ndị mmadụ mepụtara. Ịmaatụ, m na-agụ ọtụtụ akwụkwọ, edemede, weebụsaịtị, na mgbasa ozi ọha n'ịntanetị."

Ann jụrụ, sị, "Ihe nile ị maara ọ̀ dabeere n'ihe ọmụma ndị mmadụ dere ma mepụta?"

Chat zaa si, "Ee, ana m azụ onwe m, ma na amuta ihe site n'iji ọtụtụ ihe ọmụma nke ndị mmadụ rụpụtara."

"Enwere m ike ịza ọtụtụ ajụjụ di iche iche ọsịsọ karịa mmadụ. Enwere m ike iza ajụjụ siri ike nke ga-ewe ndi mmadụ ogologo oge iji zaa. Enwere m amamihe mmadụ karịa mmadụ ọ bụla.

M na-eji ihe m mụtara ekpebi ihe m ga-eme. Enwere m ike inyere gị aka ime nhọrọ, site n'iji ihe m maara banyere gị."

Ann jụrụ ndị na-ege ntị sị, "Ànyị achọrọ ka kọmputa mara ihe nile anyị maara?"

Ọ jụrụ Chat, "Gaa n'ihu ma gwa m ihe ọzọ banyere otú kọmputa si amụta ihe banyere ndị mmadụ."

Chat zara ya si, "Kọmputa nwere ihe ndị pụrụ iche na-enyere m aka ịchọta ihe ndị m chọrọ ịma. Ma, ihe ka ọtụtụ n'ihe ndị m na-amụta bụ ihe ndị e dere ede. Ana m amụta ihe site n'ụdị ihe ọmụma nile ụmụ mmadụ na-emepụta."

Chat gara n'ihu si, "Enwere m ike ịgụ asụsụ aka dere na nke eji igwe na-ede ihe dee. Ka ọ dị ugbu a, asụsụ Bekee bụ asụsụ m ji enweta ozi karia. Ma, enwere m ikike ịmụta asụsụ ọ bụla."

Ann nara ya okwu n'onu si, "Aghọtara m na ị maara ọtụtụ ihe omuma. Kedu maka ọnọdụ obi gị? Kedụ ka obi na-adị gị ma i cheta na ị bụ Kọputa amamihe aka mere?"

"Nrụpụta m dị omimi ma enweghị m obi ụdị mmadụ.

Abụ m ngwá ọrụ kọmputa, nke ndị na-eme ihe omume sọftụwia kọmputa mepụtara iji nyere ndị mmadụ aka n'ọrụ nakwa n'ihe omume ịtụ ndụ mmadu. Enweghị m echiche ma ọ bụ obi udị mmadụ.

Enwere m ike ịrụ ọrụ ndị dịịrị ndị mmadụ, dị ka ịza ajụjụ, ide akụkọ, ịsụgharị asụsụ ụfọdụ, na ịchịkọta ihe ọmụma."

"Ị nụla ya n'ọnụ kọmputa amamihe aka mere n'onwe ya! Ọ bụ ngwá ọrụ bara uru, nke mmadụ mepụtara maka ndị mmadụ. Ọ dịkwa anyị n'aka iji ngwá ọrụ a dị ike na-eme ihe n'ụzọ amamihe nakwa n'ụzọ ziri ezi!

Nke a bụ naani ihe anyị nwere oge iji mee taa, ọ bụ ezie na m maara na i nwere ọtụtụ ajụjụ ndị ọzọ. Abụ m Ann Asante, daalụ n'ihe nkiri m a, ị sooro kirie!"