Niriba tooi bɛi yiya paya paya puuni. Niribi shɛbi biɛla ya shɛŋa din du zuɣusaa ka shɛbi mi bɛ ya shɛŋa din bɛ tingbani.

Ya waɣila tooi mali ya bɔbigu di puuni, din mɛn pa tab zuɣu. Buku ŋɔ tɔɣisirila ya waɣila mɛbu din mali ya bɔbigu di puuni.

Mishelle mini Catherine daa nyɛla bipuɣinsi ban daa nyɛ ma bihi. Mishelle daa nari la bikura shikuru karili la ni, ka Catherine daa na bɛ bibihi shikuru bin booni primary shikuru la.

Bipuɣinsi ŋɔ mini bi laamba ni bi ma kpɛma n daa laɣim bɛ ya waɣinli din daa bɛ tinŋ yuli booni Nairobi. Bɛ daa yu bini bɛ zuɣusaa ka mani ŋma bihi ni bɛ ti waɣila zuɣu shɛm maa.

Be daŋ maa daa biɛla ya waɣinli maa dubu pishi ni ayi. Be daa zaŋdi la lifti n-duri be yaɣili ya waɣinli maa zuɣu.

Catherine daa kalindi dubu yaɣa yaɣa maa be yi ti duri ka sheira. O bɔri ni o-ti duhiri alapilee o-ni ti zooi. Mishelle mi bɔri ni o-ti leei la engineer ban mɛri ya, din ni chɛ ko' gba ti nyɛ ban mɛri ya waɣila ŋɔ.

Catherine bɔhaya, "Tin bɛ yili waɣinli shɛli puuni ŋɔ, n wɔɣi gari yiya zaa Africa tingbani?"

Mishelle labisiya, "Aa yi, tin bɛ shɛli polo ŋɔ waɣilim nyɛla silimiinsi meters kɔbiga ni pishi ni ayɔbu. Yili shɛli din waɣi Africa zaa waɣilim gari silimiinsi meters kɔb shita ni pihi wei ni ata. Yili waɣinli shɛli din mi waɣi gari yili kam zaa duniya ŋɔ ni waɣilim mi nyɛla silimiinsi meters kɔb shinii ni pihita."

"Lala! Wula ka lala yili waɣila maa ʒɛya ka bi lura?" Catherine tɛhaya.

"Ya waɣila zaa mɛbu nyɛla yim. Bin yɛra dibi ayi bin mali mɛri li n-nyɛ kuriti min siminti concretinima.

Ya waɣila mɛbu mɛri la yaɣa yaɣa bin pindi zaŋdi kuri kara n-sara ka naan yi zaŋ siminti concretinim zaŋ suri kuri kara maa puuni. Lala binyɛra ayi ŋɔ maa ni laɣim, di kpɛmi ka mali yaa, ka ni lan tooi zani yuui," Mishelle labisiya.

"Ya waɣila mɛbu piligu sheei, bɛ gbirila bɔɣili din zilima. Ka naan mɛli tam di zuɣu.

Di ku biɛmi ka tii waɣila ni mali wuli kara di gbini shɛm ŋɔ, ya waɣila gba tu ni di mali di wula di gbini. Din ni n-nɣɛ bɔɣi shɛli bi ni gbi ka zaŋ kuɣu kara niŋ di ni la."

Din paya, tuun tumdi bi maa zaŋdi la kuri kara maa n-kpari ya waɣinli maa zaa.

Di kpabu maa soŋdi di mɛbu ni. Kuriti maa soŋdi kpabu maa ka di kpɛma ka mali yaa.

Kuriti maa kpabu maa n-chɛ ka di ʒiya ka mali yaa, ka mani ti ninsalinim ni mali kɔba ti ni ŋɔ, ka di soŋdi ti ka ti mali yaa ŋɔ.

Kuriti tooi lahi darigira, amaa ti bi nyari li, dinzuɣu chɛ, ka di ku tooi lu.

Pɔhim biɛɣu ni ti ʒɛ, kuriti maa sɔŋdi ka ya waɣinli maa kuli ʒɛya ka ku tooi lu.

Kuriti chɛ ka ya waɣila mali yaa, ka ku tooi lu.

Din man pahi ka bi mali mɛri ya waɣila nyela siminti tam bin booni concreti la. Concreti tam nyela bin zaŋ tankpaɣu, siminti ni kom, n gari taba zaŋ mali. Tam mɛriba maa zaŋdi la concretinim maa, n suri kuri shɛŋa bini kpa maa ni.

Concretinim maa ni ti kuui, di kpɛmi ka kuɣili la. Din ka bi lahi mali sɔŋdi duri maa tingbani ni di dikpina.

Tam mɛriba mɛri ya waɣila ka di duri zuɣusaa. Be mɛrili la yaɣa yaɣa. Gbini yaɣili maa tu ni di mali yaa ka kpɛma, din ni chɛ ka yaɣa shɛŋa din kpalim maa tooi paani di zuɣu.

Siminti concreti maa tu ni be zaŋli ŋari kuriti maa zaa,dini gu kuriti maa, ka chɛ ni kom ni pɔhim. (Kɔm mini pɔhim tooi zaɣindi kuriti).

Din lan pahi, be lahi mɛri ya waɣila liftinima, din sɔŋdi ka niribi tooi duri ya waɣila zuɣusaa. Be yi ti naai din bɔŋɔ zaa, ka be naai yi kpɛɣi takoti, ka lahi ta ni n-sɔŋ duri maa ni.

Din maan pahi nyela ni bi niŋ laati mini kɔm paapu nim niŋ di ni mini baanjira damdi bu sheei.

Di kpalinkpaa, bi niŋdi bɔlipunim niŋdi duri maa ni puuna mini adaka shɛŋa bi nɛma ni yɛn bɛ.

Mishelle yelya, "Tin kara pam lahi ka pɔlti. Ya waɣila mi be diri polo pam. N-yi ti leei engineer, nin sɔŋ mɛ ya waɣinli din du gari ya waɣinli kam duniya ŋɔ!"