Niriba tooi bɛi yiya balibu paya paya puuni. Ya shɛŋa be zaŋ la Naawuni ni nam binshɛŋa mɛ li, ka mani mɔri. Ya shɛŋa mi be zaŋ la ninsalinim ni nam binshɛŋa gba mɛ, ka mani glassinim mini concretinima.

Ya shɛŋa mi, be zaŋ la Naawuni ni nam binshɛŋa mini ninsalinim ni nam binshɛŋa n-laɣim mɛ, ka mani mopila din bɛ buku ŋɔ puuni ŋɔ.

Kabo mini Thabo daa biɛla Kgatleng yaŋli din bɛi Botswana tingbani. Be ya maa daa mirila tinkpan shɛli din yuli daa booni Mochudi. Be mini be laamba n-daa laɣim mi bɛ mopili yili ni.

"Mopila yiya nyɛla ya sheŋa bini zaŋ mɔri pili. Yiya ŋɔ tatabti nyɛla bin mɛ tinŋsi pam Africa tiŋ polo yaŋli," Kabo yeliya.

Thabo gba pahaya, "Mopila yiya pam nɣela du kpila,din mali duu noya mini takoti. Ti takoro maa nyɛla glassi takoro. A maa be daa ka glassi takoro saha shɛli ha."

"Ti yɛb n-daa mɛ ti mopili yili maa ti kali soli zuɣu mɛbu. Ka ti ba yiŋsi na ti zaŋ ninneesim binyɛra paha mali," Kabo yɛliya.

"Chɛ ka ti buɣisi bin mɛri li shɛm," Kabo yɛliya.

O yɛliya, "Ni ban mɛri maa zaŋdi la dari, kuɣa, tankpaɣu mini din tara mɛrili.

Be pilgrimi n-gbiri bɔɣali tingbani. Be yi naai be zaŋdi la kuɣa mini tankpaɣu,zaŋ niŋ bini gbi bɔɣa shɛŋa maa. Lala maa chɛ ka be mɛbu maa mali yaa."

Thabo maan pahi, "Tan mɛriba maa zaŋdi da waɣila niŋdi bini gbi bɔɣa shɛŋa maa. Be zaŋdi mi kara lɔri da waɣila maa n-tabliri taba, din sɔŋdi ka be tooi mɛra.

Be yi lo da waɣila maa n-naai,tan mɛriba maa pa zaŋdi la kuɣa maa n-pari taba zuɣu."

"Din pahi,tan mɛriba maa zaŋdi yaɣiri,kɔm mini naɣI bina ŋɔri taba ka di leei tari. Tari ŋɔ kpɛm pam din ti kuui. Bi zaŋdi tari ŋɔ zaŋ mɛri kuɣa maa," Kabo yeliya.

"Be yi zaŋ kuɣa mini tari mɛ dikpina chɛ ka di kpɛm ka yuura," Thabo pahiya.

Kabo yɛliya, "Ni be dikpin kpɛma maa be chɛ ka wuntaŋ paari be mopil duri maa puuni."

Thabo yɛliya, "Dinzuɣu chɛ me ka di puuni maha tulim ni di bɛ sambani. Wuntaŋ tulim be tool kpɛri be dikpin kpɛma maa ni.

Wɔri saha ni ti paai,ti dikpina maa tooi lan chɛ ka ti mopil duri maa puuni tula."

"Tam mɛriba zaŋdi tari sɔŋdi ti mopil duri maa tingbani," Thabo Yɛliya.

Kabo yɛliya, "Ni be yɛrigrila tari maa sɔŋdi duu maa tingbani zaa. Di yi kuui, di chɛ ka di kpɛma ka laha bei zaŋ pati."

Thabo Yɛliya, "Ni di bahigu nyɛla di pilibu. Mopili yiya pilibu pilindila zaɣ' chɔɣi.

Tam mɛriba zaŋdi la yɔɣira pari duri maa zuɣu, ka naan yi zaŋ mɔ kpala maa n lɔri pari di zuɣusaa. Sa kɔm bi tooi nyaŋ dili."

Mɔ kpala viɛlli pam ni duri pilibu amaa bin neeiibihi pam tooi zori ka bi zaŋdi li leeiri bi biɛhigu sheei. Bi pam tooi ŋubiri la mɔ kpala maa!

Lihimi anfooni ŋɔ ka wuhi: kpatinaringa diba ata, nɔŋ yino, Zuŋguliŋmaarigu, yɔbli, mini jangbariga sheei?

Mɔpila nyɛla din viɛli ti kpatinariŋsi ni be biɛni.

Kpatinarigsi bɛ diri mɔpila. Bɛ sɔŋdi mi kariti bin neeiibihi din bɛ di ni.

Di tu ni ti guri mɔpila ni bin neeiibihi ka mani jangbarisi, kpibi mini yɔba.

"Ti niribi pam n bɛ mopili nim ŋɔ ni!" Thabo yɛliya, ka lihiri mɔpili maa zuɣusaa. Dabiɛm n-malo ni kpatinariŋsi maa.

"N-tooi bɔhiri m-maŋa ni bin-neeiibihi ba nim n-tooi lahi bɛ ti ʒiʒɛli puuni?" Kabo bɔhiya.

"Nin ti yɛn mɛ n-yili, n-yɛn mɛla mopili ka zaŋ siminti parisi n-pili!" Kabo laya ka diɛm yɛli.