Tinkpaŋ bili shɛli n-daa bɛ Malawi tingbani, ka mali shikuri gahindili di ni.

Di yuli n-daa booni Choki, din gbuni nyɛ yurilim.

Ti shikuru maa daa nyɛla din tiriti suhudoo ni yurilim.

Di daa nyɛla kpibsi shikuru, zaŋ ti kpibsi ka maan mani.

Flawaasi viɛla daa sami gili ti shikuru maa.

Di shɛŋa daa nyɛla zaɣ' ʒehi, ka shɛŋa mi nyɛ zaɣ' dozim, ka shɛŋa mi nyɛ zaɣ' nuɣiso.

Ti shikuru maa daa nyɛla suhupiɛlli sheei.

Ti chicha nim daa tiriti bindira mini sitira yoli.

Di daa chɛ ka ti ni maha, ka laha wuhiri ti yurilim nyaɣsim.

Ti shikuru ŋɔ yi di kani, n-naa ku tooi karim beei n-sabi.

N-naai ku tooi lan kali beei m-baŋ pahibu. N-naa ku tooi lan baŋ nyaɣisim shɛŋa din bɛ buku nim ni.

Ti chicha nim mini shikuru maa tuuntumdiba bɛmi ka mabihi la.

Be chɛmi ka ti suɣi paligiri sahakam.

Dabisili kam ti bɔhindila bin yɛri pala.

Ti bɔhindi, din tu ni ti yuri ka sɔŋdi tabi shɛm. Ka lahi bɔhindi din tu ni ti paɣiri Naawuni, ni tin mali binshɛɣu kam duniya ŋɔ ni shem.

Pa karimbu mini sabu ko, kan n-shikuru maa wuhiri ma. Di lahi wuhiri ma so shɛŋa nin yɛn dɔla ka mali ninsalisili.

Di wuhima ni yurilim, tabi sɔŋbu mini baŋsim bɔbu, ni tooi taɣi binshɛɣu kam duniya ŋɔ.