Terna daa nyɛla ŋun ka kpɛhali sheei. Binwɔla n-daa nyɛ o-bindirigu. O daa kpɛrila mɔɣu ni, n-ti pihiri binwɔla n-dira.

O daa tooi gbɛri mɔɣu maa ni. Jaŋsi mini kpara mino n-daa bala sahakam.

O daa kuli chanimi gindi mɔɣu maa ni, ka kuli nyari tihi balibu balibu.

"Tihi ŋɔ ku biɛla kpeei bahiri yɔli," o-daa yelya.

Di daa wumoo, ka o-daa ʒini tabili ti shɛli gbini n-gbiɣi.

Tihi maa daa guro ni wuntaŋa. Ka ŋmanbihi gba daa yilindo yil' suma.

O daa yelya.

"Nin ŋma tihi ŋɔ n-kɔhi ,din tima laɣiri pam kan mɛ yiya."

O daa chaŋ ya maa ni, n-ti suɣi kpani na, n-ti ŋmari tihi maa.

Kparili maa daa balimmo, "Pahimi suɣulo di ŋma tihi maa. Di nyɛla ti mini ŋmanbihi yiŋsi. Ka di binwɔla maa nyɛ ti bindirigu."

"M-bɔrila laɣiri nin mɛ n-gbaaza yili," Terna yelya.

"Di be tu ni a-saɣim shɛbi yili zaŋ mɛ nyin yili," Kparili daa yelya. Nambozoo daa gbaa Terna ka o daa zaŋ kpani maa sɔŋ ka daa pa kparili bɔɣu.

O-zo kparili daa yeloo, ni o zaŋmi yaŋri mɛ ka naan zaŋ tikuma din kpi vari mini dari m-pilli.

Ni o-yi niŋ lala be zaa ni mali kpɛhali sheei.

Terna daa sahi tooi. O daa kaari kparili saha kam ka kparili daa cheri ka o pohari binwɔla maa mini daa kuma maa saha kam.

Be daa leei la zɔri.