Madina n-daa n-nyɛ bi kpɛm Karemba daŋ puuni.

Be daŋ maa daa biɛla tiŋ din yuli booni Bandiagara.

Zaawuni yuŋ din dahinshɛli, Madina daa chaŋmi ni o-ti yo be dindoli.

Ka daa nya bipuɣinbila ni bidibiga ka be ʒi be dindoli maa ni.

Di daa nlŋ Madina lahaʒibisi pam ni o-ni daa nya saambii diba ayi be dindoli ni maa.

Ka daa, kuɣi bɔli oba, "Mbaa! mbaa! Bihi ayi n-ʒi ti dindoli ni."

Ka oba daa kana dindoli maa ni.

O-ni daa nya bihi maa, o-daa bɔhi ba, "Ba nim leei bɔŋɔ? Ya keei yina?"

Bidib bila maa daa yelya, "N-yuli m-booni Assama, n-ti zo m-bɔŋɔ, o-mi yuli Yakoromo."

Wumsim mini dabiɛm daa bɛ Assama mini Yakoromo ni.

Assama daa yelya, "Ti yila tiŋkpan shɛli be ni booni Sangho, din bɛ Doucambo yaɣili ŋɔ."

Ba maa daa niŋ lahaʒibisi pam ka daa be lan mi o-ni yɛn yɛli shɛli.

Madina daa yɛliya, "Mbaa, chɛ ka be kpena. Di wumba pam ka kum lahi mali ba. Be bɔri ti sɔŋsim."

Yakoromo gba daa pili yelgu.

"Tɔbu n ŋme ti ya maa ni. Ka ti laambi kɔŋ bi nyevuya. Ti lahi ka so."

O-daa lan tuɣi o- yelgu ni lɔŋ balli.

"Dabisa gbaliŋ m-bɔŋɔ ti kuli chanimi ginda ka bi mi tin kpɛri shɛli ni tin yɛn nlŋ shɛm."

Ka ba maa daa gbaa bihi maa, ka niŋ ba be maraba.

"Kpɛmi ya na, bihi, ei yiŋ m-bɔŋɔ. Tin di alizama ei yi vuhi naagi," ba maa yelya.

Bihi maa daa kpɛna ka bi daa duɣI ka bi zaa daa di.

Bin daa din naagi, Madina daa zaŋ Assama mini Yakoromo wuhi be duu.

Dindali hali ni zuŋɔ Assama mini Yakoromo daa kpalim pahi la KAREMBA daŋ ni.

Be mini bihi ban bɛ yili maa ni daa laɣimdi diɛmda, ka lahi laɣimdi tumdi ylŋ tuma.