N salin yaa zɔri ka zɔra, jɛra anu n-daa laɣim bɛ yili yini ni. Be daa laɣimdimi niŋdi binshɛɣu kam.

Din dahinshɛli bi bindirigu n-daa naai, ka bi daa bɔli taba ni be laɣim gbaai be ni yɛn niŋ shɛm. "Ya ka ti yɛn nya bindirigu?" bi' yino daa bɔhiya.

Bi daa be mi bin gbaari shɛm doomi be daa ka laɣiri ni zonima tiŋ maa ni.

Ŋun pahi buyi maa daa yɛliya,"Ti chamya!" Ka ŋun paya maa bɔhi, "Ya polo ka ti yɛn chaŋ?"

Ŋun pahi buta maa daa yɛliya, "Ti chami ti zu bindirigu." Kan ŋun pahi bunahi maa yɛli, "Biku gbahi ti tini zu?" Ka ŋun pahi bunu maa yɛli, "Chɛ ka suɣi ʒiya!"

Jera anu maa zaa daa laɣim yina, n-chaŋ daa ni be ti zu n-di.

Bini daa pili zubu, be daa gbahi ba.

Ka zaŋ be zaa chaŋ poliŋsi yili.

Poliŋ doo maa ni daa vihiriba, o daa bɔhiba, "Ŋun leei yɛli ni yi cham ti zu?"

Tuuli be daa be mi bin gbaari shɛm. Ka nan yi pili buɣisi din nlŋ shɛm kam zaa ka bi chaŋ ni be ti zu.

Tuuli jerigu maa daa yɛliya, "Maan daa yɛlimi ni ti chama, n-be yɛli ni ti zuma." Ka ŋun pahi buyi maa mi yɛli, "Maan daa bɔrimi nin baŋ tini chani shɛli."

Ŋun pahi buta maa gbaa zaa daa yɛliya, "Ti zaa daa saɣimi, ni ti cham ti bo bindirigu."

Ka ŋun pahi bunahi maa mi yɛli, "N-daa yɛliba, ni bin gbaati."

Ka ŋun pahi bunu maa mi yɛli, "Ti mi ni ti zaa nyɛla tayiɣisi, dinzuɣu kan daa yɛli ni yi chɛli ka yi suɣi ʒiya."

Polingi maa ni daa wum be zaa noli ni. O daa baŋ ni be zaa be mali.

Ka daa yɛliba, ni di viɛli ni be laɣimdi gbaari shawara, amaa ka shawara shɛli din nyɛ zubu shawara.