Ndaa Paleesa.

Maana innde maako woni 'pinndi' bee ɗemngal maɓɓe, Setswana.

Nde fini fuu, Paleesa e wolwana lekki leemu,

"Leemuhi, rimanmin leemuuje ɗuɗɗe."

Paleesa e yaha janngirde.

To mo tawi geene dow laawol, sey mo wi'aɗe, "Geene, mawnee ɓeydee heccuɗugo, taa' njooree."

To Paleesa e saalo haade pinndi ladde, sey mo wi'andi,

"Mi yettii'on, pinndi, bee noone boɗɗe."

To Paleesa e yaasi suudu janngirde, sey mo wolwana lekki pamari.
Mo wi'a, "Lekki, mawnin lice maaɗa, heɓa min njooɗoo ley ɗowdi, min njannga."

Paleesa e wolwana kowaagol taaringol janngirde maɓɓe.

Mo wi'angol, "Mawnu ngam haɗugo halluɓe nastugo janngirde."

To Paleesa wartii wuro maɓɓe, mo yaha mo raara leemuhi.

Sey mo ƴamaki, "Leemuuje maaɗa ɓenndii na?"

Paleesa monni seɗɗa, mo wi'i, "Leemuuje ɗe'e ɗe kecce haa jooni."

"Sey mi wara jaango fahin, teema a heɓanayyam leemuure ɓenndunde!"