E wooduno inniraajo nayeejo e mo jooɗodii bee taaniraaɓe maako tato.

Nde fini fuu e ɓe njaha ngesa, e ɓe ndema.

Sey nyalnde feere gooto nder taaniraaɓe wi'i, "Maama, mi saataayi hannde."

Sey inniraajo wi'i, ɓiɗɗo on hoota wuro.

Nde ɓiɗɗo on hooti wuro, mo tawi kusel nder taasawo.

Sey mo nyaami kusel fuu, nden mo ɗaanoyi.

Nde inniraajo bee ɓiɓɓe ɗiɗo ngarti daga ngesa, ɓe comi, e ɓe nana weelo.

Maama defaniɓe nyiiri butaali ngam ɓe nyaamira kusel ngel mo defuno fajiri.

Mo maɓɓiti taasawo ngam mo nokkana taaniraaɓe maako.

Nde o maɓɓiti taasawo bee kusel, asee, walaa ko lutti nder!

Maama ɓerni, ƴami, "Moye nyaami kusel?"

Ammaa taaniraaɓe tato fuu dimmbi ko'e maɓɓe, koo moye fuu wi'i, "Naa' ɗum min."

Sey Maama ɓiɓɓe ɓen haɓɓi ɓoggol ngam huulugo maayo.

O wi'iɓe koo moye tokka dow ɓoggol ngo'ol, nden yima gimol eera.

Maama wagginiɓe, mo wi'i, "Nyaamuɗo kusel yanay nder maayo ngam mo ekkitoo wi'ugo goonga."

Taaniiko arandeejo yaawi, tokki dow ɓoggol, mo huuli maayo e mo yima.

Raa gimol maɓɓe:

To min nyaami kusel nder taasawo, ɓoggol ngo'ol do''ayam ni.

Maayo ngo'o iloowo ilnayam ni.

To naa' min nyaami kusel, ɓoggol ngo'ol seetayam ni.

Maayo ngo'o ilnoowo ilnataayam ni.

Taaniraaɓe ɗiɗo luttuɓe puɗɗi yeddootirgo.

Ɓiɗɗo debbo wi'i ɓiɗɗo gorko, "Yahu, an!" Sey ɓiɗɗo gorko wi'i, "Aa'a, yahu an taw!"

Taaniiko debbo nyaamuɗo kusel hultori, mo fuɗɗi diwnugo.

E mo yaaɓa ngam yahugo yeeso dow ɓoggol, sey mo mortii, mo yani nder maayo.

Mo wulli, "Mballeeyam! Mballeeyam!"

Maama wi'i taaniraaɓe ɗiɗo, "Kanko woni mo walaa goonga, ammaa haani jooni en mballamo."

Ɓe pooɗimo, sey ɓe mburtinimo maayo.

Daga nyalaande nden, taaniraaɓe inniraajo on meetaayi fewre, sey goonga tan.