Naane, doombi bee kuleeji no soobiraaji.

Sey goɗɗi banndiraaji doombi puɗɗi majjugo.

Sey doomburu nayeeru wi'i, "Kuleeji e nyaama'en."

Daada doombi sey wi'i ɓikkon maaji, "Kakkilee. Taa' mburtee yaasi."

Doombi fuu ngaɗi hakkiilo.

Ɗi cuuɗi nder gasɗe maaji.

Kuleeji nani weelo, sey ɗi ƴami, "Toye doombi ɗin fuu?"

Kuleeji narri sumpowaago doombi.

Ɗi ngiɗi siryaago ɓanngal.

Sey kuleeji mbi'i, "Min ngiɗi ɓiɗɗo amin ɓaŋa nder ɓiɓɓe mooɗon."

Sey doombi mbi'i, "On ngiɗi nyaamugomin."

Ammaa yeeso seɗɗa, ɗi narri.

Sey ɗi ndesi nyalaande ɓanngal ɓiɓɓe maaji.

Kuleeji kooti, e ɗi ceyi e ɗi melƴinoo.

Nyalaande ɓanngal doombi e kakkilana kuleeji.

Kuleeji njottoyii, e ɗi ngima gimol ɓanngal.

Non ɗi ngimiri, "Nanngee doombi, nyaameeɗi! Nanngee doombi, nyaameeɗi!"

Doomburu nayeeru sey fuɗɗi yimugo, "Ndoggee, doombi, ndoggee!"

Doomburu nayeeru sey wi'i kuleeji, "Diga hannde, soobaaku timmi."