Tô berien, amanyaî nyia Lemie, Obêyôk, Môlôŋ iko Ibou arabotie.

Awahî nyia Môlôŋ iko Ibou iriafuna Obêyôk.

Ilûnyî nyia isi jio Lemie.

"Lemie, abaŋî aciaŋi ꞌdaŋ iyye, atî nyio obeŋi amûha jihoye?" Ifî Môlôŋ Lemie.

"Ibîs iyye. ŋaî oremik îhûhûmana anî amûha?" Ifî Lemie.

"Oremik Obêyôk îhûhûmana amûha jihoye." Itarraŋak Ibou.

"Iloŋôtô Obêyôk," Ajio Lemie.

Iloŋunie Obêyôk, attatî Lemie îramana inyi jio ijiara îhûhûmak inyi amûha.

"Ihûhûmûnî amûha hunno oyiji ꞌtô bêbê to ꞌyoni môlôŋ iko ônô ebou," ahahayahî Obêyôk jio Lemie.

"Awak nî amûha hunno oyiji ꞌtô bêbê," ajio Lemie.

Attatî Lemie îttôhôrô Ibou iko Môlôŋ. Isiarak ayyoni hosi jio Obêyôk.

Ilafuho nyia Obêyôk jio alô fê Lemie îttôhôrô inyi anna abeŋ inyi êhûhûmû amûha hûa.

Awôhî ayyoni hûa itua ôwôrê.

Aŋûŋûsia nyia Lemie êtîla amûha hûa. "Tahûaî amûha hoŋ hûa?" Iŋuŋunita inyi.

Itarraŋak Obêyôk, "Hêtîla nî ijiara ayyoni hûa ôjônî dô."

Nyia motie, aŋeru Obêyôk tô hûtûk ôwôrê.

Iramak Lemie jio, "Irrîrrîa ôbô laciaŋ êllê iyalu ꞌtô iyye ayyoni hûa. Abeŋ nî aremik îdûhûna ayyoni hûa tô tua ôwôrê!"

Isahur Lemie jio ôwôrê nyia. Igonyu arrijori honyi tô tua harî, êttê îllûhîna itua ôwôrê îŋalafarî iko arrijori nyia!

Awôrôrô aarî Lemie, êttê idiaharû Obêyôk hama.