"Waŋ, Hêhîanaî abuk ônô êyaba ana, onyi hoŋ," ajio îyaŋ.

Tô ninyia berien, amanyaî nyia Kûsan iko Sigira arabotie. Igîamaî nyia isi êgêmîta ꞌdaŋ arabotie.

Tô nôbô nôlôŋ ônnô ôrrôhô ꞌtô, ayê nyia onyio Kûsan.

Atarîha nyia inyi bêbê êttê iyyo bêbê bêbê. Ajiori ônyîharî honyi ijiara iriamu.

Atî odulo nyia inyi ayyo. Akiem ôrrîahata honyi, Sigira, alla ara ꞌtô ihuo illa jihonyi, êtadûayô inyi.

"Obeŋi alîawa îtakuacie ayyo hosi. Itibilie isi onosi eyyo itibilio ôllôkûaî," îsîŋ inyi Sigira.

Itûarî diyya, oyyotia nyia inyi êllê iyiu inyi onyi honyi ôllô ôyê ꞌtô lîa.

Amijio Sigira jihonyi êttê ijiaran, "Obeŋ allê îtakuacio ayyo honyi."

Olô Sigira îtawôj ayyo Kûsan alla ayyo Kûsan, "Hii, hii, hii."

Olô inyi itiyiuna Kûsan jio ijiara atî inyi oyyo, "Hmm, hmm, hmm."

Adulo nyia êram anîa fuur, many ônûhanierek onyio Kûsan.

Ninyia allaŋî ayafajin arrîhaî, ayê buo fê onyio Sigira hinyia ara ꞌtô abotie.

Afuonni nyia ôŋîharî ôŋîda ofuoi înûhana inyi. Owon nyia Kûsan, ôrrîahata buo fê ara ella jio Sigira diyya îtagoliere inyi.

Alla ayyo fê Sigira ônnô okuat, buo kûsan ojio jihonyi ijiar iriamu.

Itiyiu inyi Kûsan jio obeŋi alîawa îtakuacie ayyo hosi, atî ijiara Sigira oyyo, "Hmm, hmm, hmm."

Buo Sigira fê êttê iyyo ônnô okuat nyio omuno inyi onyi honyi alla ara ꞌtô alîa abotie bêbê.

Attatî buo inyi inyiak iyyo ônnô okuat bêbê, "Hii hoo! Hii hoo! Hii hoo!"

Iramak anîa jio "agalîk ayê anîa jihonyi bêbê! bêbê! bêbê!"

"Inyi anna amalarî Sigira ônnô okuat agalîk Kûsan," îramak nanî îyaŋ ninyia atulo êyaba anîa.