E ke ntša yame. Leina la yone ke Bobby.

Ke ntša ya go tsoma.

Bobby o rata go tsoma diphologolo tse dinnye.

Gape o rata go tshameka mo bojannyeng jo boleele.

Ka Matlhatso mangwe, Bobby o ne a tswa a le esi go ya go tsoma.

A bona mmutla mo letlapeng.

Molomo wa ga Bobby wa simolola go elela mathe.

Mmutla o ne a bona Bobby a mo lebile.

Mmutla wa tshaba ka bonako jo bogolo.

Bobby o ne a taboga morago ga mmutla.

O ne a akanya fela ka go ja mmutla.

O ne a sa bone mosima o mogolo ko pele.

Bobby o ne a wela mo mosimeng o o boteng.

Mmutla wa taboga go dikologa mosima mme wa nna wa taboga.

Ka lesego, basimane ba babedi ba ne ba utlwa Bobby a bogola, "Woof! Woof! woof!"

Ba tabogela ntlheng ya mosima o mogolo go mo thusa.

"O bokete thata!" ga lela basimane!

Mme ba kgona go goga Bobby mo mosimeng.

E ne e le ntša e e itumetseng thata!