Eruaŋanio hôhôî iko Iyom tô ôbô nôlôŋ.

Ara nyia Iyom ahettiyananî.

Adaha nyia Iyom tê êtêhîta.

Ninyia alô nî îbôrê gala, êttê nî igonyuna Omênnê.

Ara inyi ahêtahîanî ta redio.

Owon Omênnê iko ewworony.

Obeŋi oŋite honyi omijie onno oyyu buo fê ahûan honyi ôwônyô.

Anya ônyîharî hoŋ Ihiju.

Osô inyi aharomoni.

Obeŋ inyi îtayirio ônnô oyyu.

Ihûhûta inyi êkîana honyi îhûhûta.

Oduho agalîk ta abala kura to sukul hôhôî.

Omuno atua hoŋ êŋîŋîala Oduho alla abala akura.

Owon nyia ôbô eriafaî jio Oduho êttê iŋutuna ahas honyi.

Atî îtajiŋak nyia inyi akura itua îtîgîrî enyiahita arriaî jio a sukul hosi.

Abala haniyoŋ, Ihôlôŋ, êbalîtî arriaî.

Agalîk agôlôn hûan honyi ônô illaŋ.

Amîjak nî jio oremehini aatî hunno aŋaramahî-maji îgêm êrrê ꞌdaŋ.

Owoni aatî ꞌdaŋ iko êgêmîta gele-gele hunno oremehini isi îgêm.

Eremik ꞌdaŋ îgîama, îbala buo êhanio êgêmîta hûa ta amuno!