Tô ninyia berien, oŋiyetie nyia Aŋata iko Inôrô arabotie.

Ajio Aŋata, "Ijiara bu êrômô arabotie ihuo ênnê eŋiyetiere arabotie."

Iramak Aŋata Inôrô jio, "Orômôî buo nî ayêhî."

Iramak Aŋata Inôrô, "Oyêhî buo nî attu idua."

Hinyia aŋîda ometi, îfî Inôrô Aŋata jio ijiara ôdîôŋô.

Ajio Aŋata, "Odîôŋôî iyye buo nî attu îhanana itua mugu."

Ibuoyo nyia Aŋata.

Tô hûnîa, êttê Inôrô isiarana Aŋata ahou ometi abotie.

Iyarû Aŋata ahou ometi nyia.

Aruaŋanie iko Hôhôrô.

Atuk Hôhôrô ahou ometi nyia.

Isiarak Hôhôrô jio Aŋata attelio.

Aruaŋanie Aŋata iko ômûk aduri.

Abôrî aduri hulia attelio nyia.

Isiarani aduri hulia jio Aŋata amaŋa.

Aruaŋanie Aŋata iko akibo.

Anya akibo amaŋa êttê isiarana Aŋata ofitti.

Awôrôrô atafar ofitti nyia, buo êttê isiarana Aŋata aarî.

Itadunyiere Aŋata aarî hûnîa êêma ônô amûdanî huk.

Isiarak amûdanî huk alîa Aŋata afarral.

Aruaŋanie Aŋata iko ômûk aŋôtôk husuŋ.

Awuri aŋôtôk husuŋ afarral anîa.

Isiaranî Aŋata alisa iko ahou busuk hîtêŋ.

Ettê imijio îhan Aŋata aŋaî!

Attatî inyi iwiwoŋita, "Iriata abusuk hîtêŋ hobu îmûadaha!"

Afuonni aatî iluahiere inyi.

"Ipihôtô tô lisa iko tô hou," ajio Aŋata.

Iramak Aŋata aatî hûa, "Isiarana anî eesuŋ hataî ôŋîda esiarak jio hobu."