A nhiaar ba ya tuk kek madhie Chuma.

ɣok amaath apɛi.

Na ci raan tok tooc, ke ɣok ala ɣo dhie.

ɣɔn akal tok, madit eca tooc ba la ɣɔɔc mil ku miok that.

Go ku la ɣok Chuma.

Na lok ɣet dhelic, ke ɣo tiŋ pamadhka ke ke tuk atueŋ cok.

"Ya tueŋ cok!" ku jal lueel kaya.

Awiec ba tuk aya.

Aca lek Chuma, "Thiec ku kek da lɔn bi kek ye gam bik tuk kek ɣook. ɣɛn anhiar tuk atueŋ cok apɛi."

Go Chuma dhuk nhom, "Kɔŋ ku la ɣɔɔc ketueŋ, ku buk jal bɛn tuk."

Guɔ dhuk nhom, "Kɔŋ ku tuk tueŋ! E rin madit aci ɣok la puol buk la dhuk."

Go ku rot mat tukic kek pamadhkua. Ku jal ya adoom atueŋ cok.

Ka lel dit kek aci tɔɔ piny bi atueŋ cok ya bak thin.

Ku jal them apɛi ba ya dɔm.

Pamadhkie akec tok cak kaŋ abɛɛi.

Ku jɔl ku tuk abi tɛn tuk yic thiaŋ liɛt.

ɣok aci jal la tene ɣɔc. Ku weeu madit aci jal maar!

Go ya dhieu yen jal loi.

Ku dhuk ku baai ke cin mil ku miok that.

ɣok aci yiic jal ŋɛɛr ku tɔr ɣo gup.

Na lok ɣet baai ke ɣo yok madit ke ci puou riaak.

Ke ci kaŋ thiec tueŋ ten ɣok, "We tɔ ŋo yic tene wen?"

Ku jɔl ɣo nyeeny, "Duoke ye la tuk ke kɛ ka lueel."

Go ku la ku lok baath muoc ke cɛmke.

Ku jɔl ku la laak.