Ŋ uzam wende aka, haldəma wende tuwah ende ŋghe, zlam anta  Ela, a nja ŋma.

Mbəy jem, daknak zlaɓa jukwaɗ ha daknak. Nje anta əy keweɗ ata dadaɓ.

Zləɗeŋ Ela ege əy keweɗ tezlezle ana gəvda. Həla anta a kalaɓ, a kala zlan tuwah, kaw a kedetene ŋ mambaw mbe ege askwaw.

Səkan ma kaghwaɗata ma mbaw mbe ege ca, ara ma a kampam ŋ san səkan ege. A njaka ŋ ɗawzata ata səkan ma ata ɗaw ege səkwaw.

Laslaŋgal wende, a pes ma səkan ma ata ŋter anta a ŋga anta ca, Ela a ɗawza maman a ŋgaya, "Mana, səkan ma ata ŋter naka a nanda mgba ata uslaf vaw?"

Mambaw Ela ege əy ŋtəɓal ata laɗaw anta magaɗaŋgaɗaŋ ege ata vah ata vah, əy kezenzene zlap askwaw.

Cəmey, zlaŋgan Ela, zlam anta Aŋrəy a ketehzene zlam ata laɗaw anta ege. A pes wende van a kaɗa, a ɗawza a ŋgaya, "Van a kaɗa ca, ara van ma mgba ŋ gazlavay ma kahan vaw?"

A təwse ca, zlaŋgan a ɓas, aya, a zenene a ŋgaya, "Ŋghey!" A ghwelzene ca, van ma kaɗa ca, ara mahwababw ma mgba ata uslaf ma ɓaf amba mada a kesef ca, a zahaha ana van.

A pes wende a nah ma ŋ tawar aha. A təwse ca gəre mpe wende ma kambaw mba aka, aya, a bəzlahaza ra anta wende.

Aya, Ela a ŋgaya, "Wabaw! Sa mpemene ɗala ma ata paɗ mbəlah." A təwse a təwse, mpe wese a zenene, a ŋgaya, "Ayaw sa kaɗaw ɗala ma ata paɗ mbəlah."

Ela kághwaɗ anta a ɗawza mpe wese, a ŋgaya, "Hwa san ŋ zlap ca, vaŋgay?" Mpe wese a zenene, a ŋgaya, "Sa ca, sa mpe ma kula ŋ zenahwa zlap ŋ laɗaw ŋkwa ege tewtew."

Ela a ɗawza zeney, a ŋgaya, "Ca, mba mawal ŋghe a zləmehwa səkaw ŋvay?" Mpe a zenene, a ŋgaya, "Mavəday kaɗawza askwaw."

Ela a hey ara zlaŋgan, aya, a ŋgeɗene səkan ma ndəwzene, əy hey gbak tata kəcaŋ ara mpe wese. A təwse ca, Aŋrəy a ɗawza, a ŋgaya, "Hwa a heɗe a heɗe vaw?"

Mpe wese a zenene, a ŋgaya, "Sa a heɗe a heɗe." A təwse ca, əy dəmas gbak tata a sasam.

Maraka a pes wese, kaw əy kesleɗetene ha ŋ mbaw tata zeney askwaw.

Kaw vepey mada laɗaw tata aka ca, əy nda ara mpe wese a zenetene zlap ŋ laɗaw tata ege.