Letsati lengwe, ra bona leru le le ntsho le atumela.

E ne e le motlhape wa tsie, o tla o lebagane le motse wa rona.

Tsie ya tlhasela ditshimo, ya ja dijalo tsotlhe.

Re lekile go koba tsie.

Mme e ne ya nna fela.

"Wuwi, wuwi!" Re ne ra dira modumo re goa.

Mme tsie ya nna fela.

Ra itaya dithini le dipitsa.

Mme tsie ya nna fela.

Ra gotsa molelo go koba tsie.

Mme tsie ya nna fela.

Tsie e ne ya ikala mo ditlhareng.

Dikala di ne di robega ke lebaka la bokete jwa tsie.

Ra gakologelwa gore tsie e e gadikilweng e monate go ka jewa!

Mongwe le mongwe a tsaya tsie kana dikgetsi le matlowa.

Bana ba ne ba tla ka magapu a a omisitsweng, ba a tlatsa ka tsie.

Re ne ra besa ebe re gadika tsie. Le go e omisetsa nako ya mariga.

Mme, tsie e ne e ntse e le ntsi.

Letsatsi le le latelang, tsie e ne ya sia.

Leru la tlogela motse wa rona.

Balemi fa ba leba, ba goela ko godimo, "Ditshimo tsa rona di senyegile!"

Banni ba motse ba lela, "Re a go ja eng? Tsie e re tlogeletse eng."