Nyan dheŋ apɛi cɔl Ella, e cieŋ gendit.

Yeen eye nyan bar, ku cool guop,ku nhim micɔɔr ye nhom. Nyienke ala dhek.

Ella e la thok weer dheŋ apɛi ku ɣer lec. Yeen e nyan la guop athɛɛk ku ye miluɔi. Acin raan ye gam ater agut kɔc ke dhiedh yeen.

Kɔc ke dhiedh yeen ake ye tok dɔm diɛɛr erin e yeen keriec eben wic bi ya ŋic. Ku yeen e kuat ken kɔc gɔi yen aye thiec luot.

Ka ye thiec akik, elɔn na ci galam den tim kɔu duɔny, ke go man thiec, "Ma, ci galam dien tim la pan nhial?"

Kɔc ke dhiedh ake ci gup thiai tene Ella rin ka juec ken ye ke thieec luot, ku jxl ka wɛl ke ya dhɔlic.

Go wamanh Ella, cɔl Henry, rot juaar bi wel Ella ya piŋ ku ke nhiim. Ku na tueny deŋ aka thiec, "Ela ye dhieu yen dhiɛu deŋ pial ic aye ŋo?"

Ke mɛnh jɔl dɔl ku dhuk, "Ace kaya!" Ku lueel deŋ e tuɛŋ ta ci yen rur loi ke ci ɣeet ta lir piny thin.

Na ɣɔn akal tok, ke la ciath dheer. Ta wen ciɛth yen, ke tiŋ nuol tim ku jɔl tim yic guɔ wak.

"Cii, maɣo! Kene awic akiim," aci Ella lueel. Go timm bɛɛr ke gɛi kɔc. "E tɛde, ɣɛn awic akiim."

Ella aci jal gai ku ben thieec, "Ye kadɛ jɛɛm yin?" Go tim dhuk nhom, "ɣɛn e tim bi wɛl ku dhuk nhiim eben ta thiec yin."

Go Ella bɛn thiec dɛt, "Yeŋo kec dhɔɔŋ yi piŋ?" Go tim dhuok nhom yeen, "Akec thiec."

Go Ella riŋ tene mɛnh ku jɔl lɛk ke ci rot looi.
Kek kedhie aci ja guɔ riŋ tene tim. Ku jɔl Henry thiec, "Ye yin yic?" Go tim bɛɛr, "E ɣɛn." Go ka puoth miɛt ku dier ka.

Tɛwen tɛɛn, kek akec kɔc ke dhiedh kek bɛn athiai gup.

E na le ke wic ka bik thieec, ke ka go riŋ tim cok ku le wɛl ken dhuk nhiim.