Wathɛɛr, ror kadhiec ake tɔ thin ku cieŋ ka tok. Ku kuat keriec eben eye ka rɔm kam ken.

Na ɣɔn akal tok, ke ciamden eci thok. Go ka amat nhom cɔɔl. Ku jɔl raan tok kamken thiec, "Buk ciɛm yok ŋo yic?"

Thiec ken ace ke puɔlic ku bi yenhom dhuk e rin kek aŋɔŋ weu ku kek acin mɛth pɛn wen cieŋ kek thin.

Wɛt ken acik jal takic kaam thin kor, ku lueel raan tok, "Lok tueŋ!" Go raan ye kek rou thiec la, "Lokda?"

Go raan ye kek diak lueel, "Lok buk la cueer ciam." Go raan ye kɔc ŋuan lueel, "Ci ɣo bi dɔm?" Go raan ye kek dhiec lueel, "Duk diɛɛr e wɛtken!"

Ror wen ka dhiec aci jal la geeu ku bik la cuer ke ciam ka.

Kam wen la kek ku bik cuer jal jɔɔk, ka ke dɔm!

Kek kedhie ka dhiec aci jal kuaath pan bolith.

Wen jɔl wɛt yɔɔpic, ke bolith thiec, "Yeŋa tak wɛt cuer ciam?"

Go ka jal ya ŋɔɔi kamken. Ku jɔl ka wɛt ci rot looi teetic tene bolith.

Go raan tueŋ lueel, "Kedien ca tak ee wɛt buk jal, kua ce cuer." Go raan ye kek rou lueel, "ɣɛn ɣa cithiec ta le ɣok thin."

Go raan ye kek diak lueel, "E cuk gam kamkua lɔn dhil ɣok la yɔɔp ciam."

Go raan ye kɔc ŋuan lueel, "E ca dhiɛl alueel lɔn nada ke ɣok abi dɔm,"go raan ye kek dhiec lueel."

ɣook eben aŋic ku lɔn ye ɣok cuɛr, "Ku ekaya yen aci ɣɛn ye lueel, duk ku diɛr."

Aci jal piŋ kaya, ku yeen aci bolith jal deetic lɔn nada ka kek ke ben kadhiec ake ci cueer mat.

Go bɛny bolith wɛt jal thiok cok, "Apɛth apɛi lɔn bi wek kuat keriec eben ya rɔm kam kun, ku bak ya gam aya agut ke rac!"