Podi ene ele kgosi ya diphologolo le dinonyane.
O ne a bitsa phuthego.

Podi o ne a ba bolelela gore o nnile le toro.
Botlhe ba mo reetsa.

Toro e ne e le ka tlala.

"Re dire jang?" ga botsa Katse.

"A re boloke dijo mo ntlong ya kgosi." ga bua koko le pidipidi.

"Tshwarang ope o sa dumalaneng le mogopolo o." ga bua kgosi podi.

Ga tla nako ya go tlhopa kgosi e ncha.

Ba tlhopa katse.

Podi o ne asa batle katse a nna kgosi.
"Ke nna kgosi,"podi a bua ka tenego.

Podi o ne gana go tsaya dijo.

"Re dire jang?", ga botsa Kgomo.

Diphologolo le dinonyane ba bua mmogo.

Ba tenegetse Podi.

"Ne ke nna ke nale ene ha a busa e le kgosi." Ntsa a bua.

"Ke file bana ba gagwe bobowa jo bontle fa e le kgosi."
Nku a bua.

"Ke mo tlhokomeletse tshingwana, fa ele kgosi." Kolobe a lela.

"A Podi o ne a tsaya gore o tla nnela kgosi ruri?" ga botsa Nku.

Diphologolo tsa dumalana gore Podi a isetse kgosi Katse dijo.

Di fitlhetse Podi a iketlile.
"Ke tsile go nna ke le kgosi." ga bua Podi .

"Re tla go tshwara, re go isa ko kgosing e ncha."

Kgomo a gogela Podi ko kgotlatshekelong ya kgosi.

Ba bangwe ba goeletsa.

Ke lebaka le, dipodi di ganang go suta fa di gogiwa.