Madina e nyandit kai tene paan Karembe.

Kek ake rɛɛr Bandiagara.

Akol tok ɣɔn taŋ akol, Madina aci la bi ɣot la thiok thok.

Yeen aci nya ku dhɔk tiŋ.

Madina aci jal gai wen tiŋ yen mith kec kaŋ yok karou.

Go wun cɔɔl, "Wa! Wa! Mith karou akaac ɣot thok."

Go wun riŋ ɣot thok.

Tɛwen tiŋ yen mith, go ke thiec, "Ye wek yi ŋa? Bak ka tɛno?"

Go dhɔk jam, "E ɣɛn Assama, ku ken e nyankai Yakoromo.''

Assama ku Yakoromo kedhie aci dhɔr, kua ci riɔɔc ku ŋeenyka aya.

Assama aci la tueŋ ku lueel, "ɣok abɔ pan Songho, alɔŋ pan aɣer cɔl Doucombo."

Go wun yic ŋɛɛr ku ci ben jam.

Go Madina lueel, "Wa cɔl kek abɔ ɣot. Kek aci dhɔr apɛi kua nɛk cɔk. Awic ɣok."

Yakoromo aci jal jam ten.

"Panda aci teŋ ben thin. Kɔc ke dhiedh ɣok aci nɔk. Ku kuat keriec eben aci rac."

Aci la tueŋ ke jam rol thin kor.

"ɣok anɛk nin ke ɣo ciath. ɣok akuc ta le ɣok thin ku ke loi ku acuk ŋic."

Go wun ke kuak yieth ku lor kek.

"Bak ten, pan mith, ken e pandun. Kaŋ ka lcŋ ku ɣok abi jal jam la thɛɛr."

Mith aci jal rɔm cɛm kek kɔc baai, ku yen e cɛm tuc cik jal yok ten e nin ka eben.

Tewen tɛn go Madina Assama ku Yakoromo yiath ɣɔnden.

Ya kol wen ken, Assama ku Yakoromo aci jal amith paan Karembe.

Aci jal atuk ku lui ka loi loi kɔk kek mith tok.