Madina ji Karembe weku lɛ mli biyoo onukpa.

Weku lɛ hiɔ Bandiagara.

Gbi ko gbɛkɛ lɛ, Madina tee koni eyaŋa shinaa lɛ.

Ena gbekɛ yoo kɛ gbekɛ nuu.

Madina naa kpɛ ehe beni ena gbekɛbii enyɔ komɛi ni eleee amɛ lɛ.

Etsɛ etsɛ, "Da! Da! Gbekɛbii enyɔ yɛ shinaa lɛ naa."

Ataa kɛ oyaiyeli je kpo kɛtee shinaa lɛ naa.

Beni ena gbekɛbii lɛ, ebi akɛ, "Namɔ ji nyɛ? Nɛgbɛ nyɛjɛ?"

Gbekɛ nuu lɛ wie akɛ, "Atsɛɔ mi Assama, ni minyɛmi yoo fioo, Yakôrômo nɛ."

Assama kɛ Yakôrômo tamɔ mɛi ni etɔ amɛ, amɛshe gbeyei ni amɛye awerɛho.

Assama tee nɔ etsɔɔ mli akɛ, "Wɔjɛ Songho akrowa lɛ mli, yɛ Doucombo akrowa lɛ mli."

Ataa naa kpɛ ehe waa aahu akɛ enyɛɛ ewie.

Madina kɛɛ, "Da, ha amɛbote mli. Etɔ amɛ waa ni hɔmɔ miiye amɛ. Wɔhe miihia amɛ."

Yakôrômo wie klɛŋklɛŋ kwraa.

"Atutua wɔ akrowa lɛ. Wɔfɔlɔi gboi. Nɔ fɛɛ nɔ eŋmɛɛ wɔ."

Etee nɔ ekɛ gbee bibioo wie.

"Wɔ nyiɛ gbii pii. Wɔ le he ni wɔ ya loo nɔ ni wɔ fee."

Kɛkɛ ni Ataa kɛ eniji ni egbele lɛ fua gbekɛbii lɛ atuu.

"Nyɛbotea mli, gbekɛbii, nyɛshia nɛ. Wɔbaawie he kɛji nyɛjɔɔ nyɛhe," ekɛɛ.

Gbekɛbii lɛ bafata weku lɛ he kɛye gbɛkɛ niyenii, ni ji klɛŋklɛŋ niyenii ni mli edɔ ni amɛye yɛ gbii babaoo ni

No sɛɛ lɛ, Madina kɛ Assama kɛ Yakôrômo tee amɛtsuji amli.

Kɛjɛ nakai gbi lɛ nɔ kɛbaa nɛɛ, abuɔ Assama kɛ Yakoromo akɛ KAREMBE weku lɛ mli bii.

Amɛkɛ gbekɛbii krokomɛi lɛ shwɛɔ ni amɛtsuɔ shĩa nitsumɔi fɛɛ.