Kgalekgale, go kile gwa ba le lapa le le bego le thabile.

Bana ba be ba sa lwe.

Ba be ba thuša batswadi ba bona ka gae le ka mašemong.

Fela ba be ba sa dumelelwa go batamela mollo.

Ba be ba swanetše go dira mošomo wa bona ka moka bošego.

Ka gore ba be ba dirilwe ka motu.

Fela yo mongwe wa bašemane o be a duma go ya ka ntle letšatšing.

Ka letšatši le lengwe tlhologelo ya gagwe e ile ya gola ka maatla.

Sesi wa gagwe le buti wa gagwe ba ile ba mo kgala.

Fela nako e be e šetše e sepetše!

A nama a tologa letšatšing la go fiša.

Bana ba motu ba ile ba lla ge ba bona buti wa bona a tologa.

Fela ba ile ba loga leano.

Ba bopa nonyana ka motu wola o tologilego.

Ba iša buti wa bona wa nonyana godimo ga thaba.

Ge letšatši le hlaba, nonyana ya fofa, e opelela seetša sa mesong.