U-Alake uthanda izivakashi
Rasheedat Sadiq
African Storybook
isiZulu

Qo, qo!

Kunokungqongqoza okukhulu emnyango ongaphambili.

1

U-Alake ujabule kakhulu.

"Ubani loyo?" ebuza.

"Mama, sinesivakashi!"

2

"Kulungile," kuphendula umama wakhe.

"Kufanele ukuthi lowo uNksz Hassan. Ngicela umvulele umnyango."

3

U-Alake uvula umnyango emoyizela.

"Siyakwamukela ma, ngicela ungene. Umama uyeza khona manje."

UNksz Hassan umamathekela u-Alake.

4

"Ngingakutholela okuphuzwayo?" Kubuza u-Alake.

"Ngiyabonga, sthandwa sami Alake, ungakhathazeki," kuphendula uNksz Hassan.

5

"Sawubona, Nksz Hassan," kusho umama ka-Alake. "Uxolo ngokukulindisa."

"Akunankinga mngani wami, u-Alake unginakekelile."

6

Umama ka-Alake uyamamatheka.

"Yebo, u-Alake ungumnakekeli wezivakashi omncane omuhle kakhulu futhi ngiyaziqhenya ngaye," esho kuNksz Hassan.

7

8
You are free to download, copy, translate or adapt this story and use the illustrations as long as you attribute in the following way:
U-Alake uthanda izivakashi
Author - Rasheedat Sadiq
Translation - Sifiso Khoza
Illustration - African Storybook, Rasheedat Sadiq, Wiehan de Jager
Language - isiZulu
Level - First paragraphs
© African Storybook Initiative 2018
Creative Commons: Attribution 4.0
Source www.africanstorybook.org
Original source