Terma were kana kwao. Were akimala nchede za tsakani arye kwani za ndo chakurya cha mutu yuyu.

Mara nyinji mutu yuyu were akalala mostakani kuno mayonda na nyani manamulolera kukala dzulu za mihi na tsaka.

Wadengereka motsakani akidzionera mihi minji na minji.

"Ee'he mihi ii inadziolera bule," were akianza.

Akitsoka kudegere, wa kelesi na kuremera mumwega wayo mili na kulala.

Yo mihi ya mup'a kivuri vuri dzuwa risimu oche na wo unyama wa kubururuka wa mwimbira maira madzo.

Akipata azo.

"Kala ningatema michache ya ii mihi, ningaguza na kupata pesa na mi bai nikale muthu wenye nyumba nyinji."

Wakwenda ko mudzini akavoya mushumeno na akikwatya kutosa na kugwaga yo mihi.

Go mayonda gakimwangolangola, "Pore, usiitose yo mihi. Ndo mudzi wehu na o nyama akubururuka. Nazo ndudeze ndo chakurya chehu."

"Na mala pesa nijenge mudzi wakwangu," Terna akiaamba.

"Na haja na uwo ukuhendao uwononge mudzi wa anyama anji na nyama akubururuka ili we ujenga mudzio," go mayonda ga mwambira.

Terna wa voya rad'i. Akiubwaga wo mushumeno na akimudoneza ye yonda lagani.

Ndo ye musemmawe yaani ye yonda akimwamba anga humira ulongo wa mitsanga kutengeza matofali. Kisha akumire nyasi na muhi mifu kujenga kidzumba.

Na kwa ngira iyo, bai osi mangakala na midzi.

Terna wa kubali. Na mara nyinji we mutsemberera ye yonda. Naye yonda wa muruhusia ahut'e ndunde nyinji arizhodima na kuhala mihi mifu yosi ariyodima.

Nao bai makala asena abomu sana.