Madina nde ariyezhalwa kwanza kwa ana Karembe.

Nao manakala kuko Bandiagara.

Dzulo mwenga, Madina wa kwenda funga muryago.

Akimona msichana na mvulana.

Madina wangala kuaona ahoho aa airi ajeni.

Naye akimwiha babaye, "Baba! Baba! Hana ahoho ho muryangoni."

Ye babaye akiuka haraka Kwenda ko muryangoni.

Arizho aona o ahoho akiauza, "Mwano hani? Kwenu ni hiko?"

Ye muvulana akidzigidza akiamba, "Mimi ni Assama, na yuyu ni muvaha wangu, Yokoromo."

Assama na yakoromo were madzatsoka nyuso zao za nyesa, woga na kutsoka na kigonzi.

Assama akienderera kunena akiamba, "Hunambola kula mudzi wa Songho, ko nyika ya Doucombo."

Ye baba akigwirwa ni bumbuazi kadimire kunena.

Ndo Madina akiamba akiamba, "Baba aruhisie madze ndani. Madzatsoka sana na manandzala. Manahuhitaji niatsowi."

Ndo Yakoromo akivugukwa maneno na akiamba,
"Muhadui maupiga mudzi wehu. Machalaga azhazi ehu na huchangamiza kila kitu."

Na kwa sauti ya tsini sana na thithe, akiamba.

"Hudza nenda siku nyinji. Kahumanya fwendeni na huhendedze."

Ndiho baba akikunjula mikonoye na akiadzagamira o ahoho.

"Ndzoni ndani, ahoho, ii ni nyumba yenu. Hunda nena manji mundiho kala madzaoya akiambira."

Bai ndo makivanganyika na oanziao kwa cha kurya chao cha moho baada ya siku nyinji za kukala na ndzala.

Gonya Madina wa ahala Assema na Yakoromo kwa vyumba zha kulala.

Kulaa siku ii assam ana yakoromo mahesabiwa dzahere ana nyumbani mwa KAREMBE.

Manazaziga na kuhenda kila kazi yam o nyumbani na ahoho andziao.