Atu manatoa nyumba za aina nyinji na nyinji.
Angine ni kwenye nyumba zijengwazo zikale miyiaka Minji. Angine manatoa nyumba za kujengwa na kubwa kahikahi za kipindi kifuti.

Kitabu kiki kinahuambira aina ya nyumba za muda mafuti ziifwazo manyatta, midzi ii ni ya kitamaduni. Ukihendza unadima kuyiha ya midzi ya kienyeji.

Manyatta ii ikuko kwa mwaka kwa tsi ya Kenya gatuzi ra Samburu. Manyatta ii ina jumula ya nyumba kumi. Sidai na Naeka ni ndugu nao manakala nyumba mwenge. Babi yao, mami yao na ndugu yao must'anga wa kilume nao manakala nyumba ya lwao.

Babi yao muhoho na nduguze akulu ahahu manatoa zo nyumba nyingine, hamwenga na ache na ana ao.

Atu aa marisa ng'ombe zao hamwenga na kutsudzana. Kamatoa kipindi kire hatu hamwenga bule. Nikuuka kwenda hangine kila wakathi kumalira mifugo yao nyasi.

Kuzungurikirya yo manyatta ni wiyo wa miya. Wiyo uwo unaziikizo ng'ombe mondani kuno unaziza atu masiomanyikana kondze.

"Huandzaho kujenga kwandza hundamala zho vitu zha. Huna kusanya tai za mihi na kuika chambaza chayo nyumba kwandza," Sidai anaamba.

Naeka anangeza kunena, "Hunamanya jinsi ya kukusanya vitu zha kujengera virizho ko kandakanda naswi wa kujengera nyumba za midzi yehu. Kila mutu waho manyatta awahusika na ko kujenga."

"Hunahumira vitai viziho kujenga cho chambaza cha nyumba. Funafunga ro paa kwa cho chambaza kwa kukulira mbugu, na kuhenda kuonekana to'to'to' yo sura yosi ya nyumba kula dzulu had'i ts'ini," Sidai naye anaamba.

"Nyumba zizi zina vimo zha tsini tsini ili lupeho lusidime kugabanda na kugafusa go mapaa gazo nyumba," Naeku anamarigizira kunene.

"Fugonyalo na kikalacho cho chambaza kiimire bai hunasuka vitaa vingine kahikahi ya zho vitai viziho zharo paa," Sidai anamarigizira kunena.

Gonya Naeku anaenderera, "Hunatengeza sara sara nziho za nyasi na kuzifunga dzulu yay o mihi ya paani. Kukukunaifwa kuvuruba."

"Kuvuramba kudzo kunahuchinga nav ula na dzuwa," anangeza kunena Sidai.

Sidai kisha anaamba, "Paa za nyumba zehu zina dima kukalaza walala hedu za muzunguko."

Naeku anaamba, "Kukandika ndo kazi inifwahayo mimi kahi za kazi ii ya kujenga. Huna vuga ulongo na mavi ga Ngombe. Na gonya kukandika wo ulongo dzulu za cho chambvaza hunadzadza yo mnjianya. vivi vinazulia p'eho na vumbi kungira."

Sidai anaenderera, "Kukandika cho chambaza kiumacho kinanrirana. Ukiuma wo ulongo huna thupia dzulu ya wo ulongo wa cho chambaza udzhio uma. Ulongo wa kuuma ni mukomu kisha una nguvu."

Naeku ameongeza kuamba, "Kahuika madirisha mochambazani, ela nyumba yehu ina muryango wa ubao."

"Kukandika chambaza kuna funikira yo nyumba," Sidai anaamba. "Kufunikira ni kuhendzadze manye ni noni?" Naeku anauza.

"Ulongo wa kutsanganywa na mavi ga ng'ombe unahendya yo nyumba ikale peho nondani wakathi kondze kumoho. Kudzaho kala na muzizimo kondze wakathi wa peho yamwaka, bai mondani zho zhambaza vinahuaviza kuika kwa kuzulia ro vuchera wo moho," anadzigidza ye nduguye.

"Kila mumwenga ni kwavizha kahi ya wo ujedzi wa zo manyatta na osi huna vizana kuzigatula hukalaho hunatsama Kwenda hangine.

Siri komu kuzivugula na kuzika wakwelwakwe na kuzihumira kaheri zo sehemu za zo nyumba zehu fwendalo hatu hasha," Sidai anaamba.

"Vitu fuhumirazho kujengera ni zhangwangu na virahisi kutsukulakwewe. Huna humira ngamira hedu ndzowe kutsukula kula kiricho cha maana kulala ii manyatta yehu ya kapindi. Dza here paa," Sidai anathanguriza.

Naye Naeku anaongezeza kuamba, "Huna dima gonya kuonggeza vitu visha zha kujengera hufikaho kokusha," Naeku anamarigiza.

"Nyumba zehu zinalengana na hutoazho, kwani mitoere yehu ni kuukauka na mifugo yehu," anaamba Sidai.

"Kuukauka kunahenda kahudima kwenda sikuli na asena ehu wakathi wosi," anaamba Naeku.

"Hatha vizho sikuli yehu inahuruhusu kuvoya na kuuka na vitabu, kisha huna jeza kudziendereza nago mashomo ga sikuli enye," Sidai anangezera na kumarigizira.