Ko mdzi wa nyumba nyinji nyirenyire, kwere na msichana mudzo sana dzinare were nde Ella.

Wakala mwenye kimo kire mriru na nyere nyiru. Na were ana matso ga kugwegwedzya.

Meno ga Ella were madzo maruhe dzahere vidziwe zha habarini. Were msichana munguvu na moyo wa mbazi na kaap'ire azhazie shida yoyosi.

Kitu kimwenga thu kiricho abudzya azhazi a elle kumuhusu nacho ni kwamba ella wakala na kuuzauza amautu ga kwangalazangalaza.

Kalamu ye irichogwa na kuvundzika, Ella wa muza mameye, "Mama, kalamu yangu idzakwenda muluguni?"

Wakathi mungine azhazi a Ella matsoka kuuzwauzwa mauthu manji na mere makamunyamalira.

Hatha vizho Henry, nduguye, were wakathi wosi anamusirikiza Ella. Kurihokala vula inanya Ella wauza, "Yo vula ko mainguni inarira?"

Nduguye akitseka akiamba, "Hatha!" Na kisha akimwambira vula inyaho kwamba vuche ra madzi riri ko dzulu mainguni ridza zizima.

Siku mwenge, wambola kutsemberatsembera ko ngirani. Akiwona muhi wa ndunde na kwa zani akikivunza kitaiche.

"Aaa, lola! Muhi undavirya upate dakitari," Ella achamba. Hayo cha kwaangalaza, wo muhi ukiamba. "Ni jeri na nipate daktari."

Zha mwengalaza Ella muhi ananena na akiwuza, "Unadimadze kunena?" Na wo muhi ukiamba, "Mimi ni muhi udimao kukuambira majibu ga mautu uzago gosi."

Ella akiuza kaheri, "Kwa inoni yuno muvulana kakusikira?" Nawo muhi ukiamba, "Kwa kukala kadzauza kitu."

Ella akiuka malo achenda mwambira nduguye gosi gadzigo hendeka. Kisha haraka makichimbira wo muhi.
Mariho fika Henry, akiuza, "Ni jeri?"

Muhi ukiamba, "Ni jeri." Makianza kuvina kwa furaha.

Kula siku iyo, kamaabudzire kaheri kuauzauza mautu o azhazi ao.

Kila mahirikala na rakuuza, makwenda kwa o muhi nao waambira kila marirowuza.